ডিফু, ১৪ জুন : ১৬ মে'ত পশ্চিম কাৰ্বি আংলঙৰ জিৰিকেন্দিঙত সংঘটিত হোৱা হত্যাকাণ্ডত জড়িত থকাৰ অভিযোগত জিলাখনৰ আৰক্ষীয়ে দেওবাৰে সন্ধিয়া অভিযান চলাই হাতে সজা বন্দুকসহ আটক কৰে এজন লোকক ৷ উল্লেখ্য যে, ১৬ মে'ত পশ্চিম কাৰ্বি আংলঙৰ ছুবি ছুটং নামৰ লোকজন নিজৰ ঝুমতলিত ব্যস্ত থকাৰ সময়তে দুৰ্বৃত্তই হাতে সজা বন্দুকেৰে গুলিয়াই হত্যা কৰিছিল ৷
উক্ত হত্যাকাণ্ডৰ ঘটনাৰ এজাহাৰৰ ভিত্তিত দেওবাৰে সন্ধিয়া প্ৰায় ৬:৩০ বজাত জিলাখনৰ আৰক্ষীয়ে জিৰিকেন্দিঙৰ অন্তৰ্গত জিৰিলস্কৰস্থিত বাসভৱনৰ পৰা ছৰ টমাহা (৫০) নামৰ লোকজনক আটক কৰে ৷ ধৃত লোকজনৰ পৰা আৰক্ষীয়ে এটা হাতে সজা বন্দুক উদ্ধাৰ কৰিবলৈ সক্ষম হৈছে ৷
লগতে পঢ়ক : প্ৰতিমাহে দুদিনকৈ মন্ত্ৰীয়ে পাতিব লাগিব নৈশভোজ : মুখ্যমন্ত্ৰী
