ডিফু,২০ ফেব্ৰুৱাৰী : কাৰ্বি আংলং জিলাৰ বোকাজানত ভয়ংকৰ অগ্নিকাণ্ড (Massive fire in Bokajan)। দেওবাৰে দুপৰীয়া জিলাখনৰ বোকাজান বজাৰৰ মাজত সংঘটিত হয় এই অগ্নিকাণ্ড। প্ৰাপ্ত খবৰ অনুসৰি বোকাজানৰ ব্যৱসায়ী চিপক দে', নীতিশ সিং, বাদল দে' আৰু প্ৰণৱ ৰয়ৰ গুদামত সংঘটিত হয় এই অগ্নিকাণ্ড ।
কাৰ্বি আংলঙৰ বোকাজানত ভয়ংকৰ অগ্নিকাণ্ড
এই অগ্নিকাণ্ডত কেইটাও গুদাম ভস্মীভূত হয় ৷ অগ্নিকাণ্ডৰ ফলত প্ৰায় ১ কোটি টকাৰ সা-সম্পত্তি জুইত জাহ যায় ৷ অগ্নিকাণ্ডৰ খবৰ লাভ কৰাৰ পাছতে ঘটনাস্থলীত অগ্নিনিৰ্বাপক বাহিনী উপস্থিত হয় আৰু অগ্নি নিৰ্বাপণৰ চেষ্টা চলাই ।
