ডিফু,২০ মাৰ্চ: উত্তৰ বৰবিল উপ-আৰক্ষী চকীৰ অন্তৰ্গত তাৰাবাচাত শনিবাৰে পুৱা সংঘটিত হয় এক ভয়ংকৰ পথ দুৰ্ঘটনা ৷ দুৰ্ঘটনাটোত এগৰাকী বৃদ্ধাকে ধৰি আন দুগৰাকীকৈ মহিলা গুৰুতৰভাৱে আহত হয় ।
ঘটনাৰ বিৱৰণী অনুসৰি, শনিবাৰে পুৱা প্ৰায় ৯ বজাত তাৰাবাচাৰ গেছ এজেঞ্চিৰ সমীপৰ ৩৬ নং ৰাষ্ট্ৰীয় ঘাইপথৰ ওপৰত এম এন ০৬ টি ০৭৩৪ নম্বৰৰ এখন তেল পৰিবাহী টেংকাৰৰ সৈতে আন এখন নম্বৰ প্লেটবিহীন স্কুটীৰ মুখামুখি সংঘৰ্ষ ঘটে । দুৰ্ঘটনাটোত এগৰাকী বৃদ্ধাকে ধৰি স্কুটীখনত অহা আন দুগৰাকীকৈ মহিলা গুৰুতৰভাৱে আহত হয় । আহত মহিলা দুগৰাকী তাৰাবাচা সোণাৰি তেৰাং গাঁৱৰ নিবাসী চেমাৰ ইংতিপী আৰু চিকা বে’পী বুলি জানিব পৰা গৈছে । আহত দুয়োজনকে বকলীয়াঘাট প্ৰাথমিক চিকিৎসালয়ত ভৰ্তি কৰা হয় যদিও উন্নত চিকিৎসাৰ বাবে দুয়োজনকে ডিফু চিকিৎসা মহাবিদ্যালয়লৈ প্ৰেৰণ কৰা হয় ।
অন্য এক খবৰৰ বাবে: নিবনুৱা সমস্যা সমাধানৰ প্ৰতিশ্ৰুতিৰে ডিগবৈত ৰাহুল গান্ধী
