ডিফুত 67 সংখ্যক ইউনেক্স ছানৰাইজ সদৌ অসম আন্ত:জিলা বেডমিণ্টন চেম্পিয়নশ্বিপ

সদৌ অসম বেডমিণ্টন এছ'চিয়েছনৰ উদ্যোগত আৰু কাৰ্বি আংলং ক্ৰীড়া সন্থাৰ সহযোগত 2 ছেপ্তেম্বৰৰ পৰা 7 ছেপ্তেম্বৰলৈ আয়োজন কৰা হৈছে 67 সংখ্যক ইউনেক্স ছানৰাইজ সদৌ অসম আন্ত:জিলা বেডমিণ্টন চেম্পিয়নশ্বিপ ৷ সোমবাৰৰ পৰা ডিফুৰ নৱনিৰ্মিত কাছা ইনড'ৰ ষ্টেডিয়ামত আৰম্ভ হোৱা এই প্ৰতিযোগিতা খনৰ শুভাৰম্ভ কৰে মন্ত্ৰী পিযুষ হাজৰিকাই ৷

ডিফু, 2 ছেপ্তেম্বৰ : সদৌ অসম বেডমিণ্টন এছ'চিয়েছনৰ উদ্যোগত আৰু কাৰ্বি আংলং ক্ৰীড়া সন্থাৰ সহযোগত 2 ছেপ্তেম্বৰৰ পৰা 7 ছেপ্তেম্বৰলৈ আয়োজন কৰা হৈছে 67 সংখ্যক ইউনেক্স ছানৰাইজ সদৌ অসম আন্ত:জিলা বেডমিণ্টন চেম্পিয়নশ্বিপ ৷ সোমবাৰৰ পৰা ডিফুৰ নৱনিৰ্মিত কাছা ইনড'ৰ ষ্টেডিয়ামত আৰম্ভ হোৱা এই প্ৰতিযোগিতা খনৰ শুভাৰম্ভ কৰে মন্ত্ৰী পিযুষ হাজৰিকাই ৷ প্ৰতিযোগিতাখনত অংশগ্ৰহণ কৰিছে বঙাইগাওঁ, চৰাইদেউ, দৰং, ডিব্ৰুগড়, ডিগবৈ, গোলাঘাট, গুৱাহাটী, যোৰহাট, কাৰ্বি আংলং, কোকৰাঝাৰ, লক্ষীমপুৰ, মৰিগাওঁ, নলবাৰী, নাজিৰা, নগাওঁ, ৰঙিয়া, শিলচৰ, শিৱসাগৰ, তেজপুৰ আৰু তিনিচুকীয়াৰ জিলা পৰ্যায়ৰ 414 গৰাকী প্ৰতিযোগীয়ে ৷ তাৰোপৰি, টুৰ্ণামেণ্টৰ বিভিন্ন ইভেণ্ট মেন ছিংগলছ, উইমেন ছিংগলছ, মেন ডাবুলছ, উইমেন ডাবুলছ, মিক্সড ডাবুলছৰ ক্ৰমে 11 বছৰ, 13 বছৰ, 15 বছৰ, 17 বছৰ আৰু 19 বছৰ অনুৰ্ধৰ প্ৰায় 631 গৰাকী প্ৰতিদ্বন্দীয়ে প্ৰতিদ্ধন্ধিতা আগবঢ়াব ৷

সোমবাৰৰ সন্ধিয়াৰ পৰা কোৱাৰ্টাৰ ফাইনেল মেচ সমূহ ক্ৰমে, শিৱসাগৰ - শিলচৰ, ডিব্ৰুগড় - তিনিচুকীয়া, গুৱাহাটী - যোৰহাট, কামৰূপ - গুৱাহাটীৰ মাজত অনুষ্ঠিত কৰা হ'ব ৷ সোমবাৰে উদ্ধোধনী মেচৰ পূৰ্বে প্ৰতিটো দলে নিজ নিজ দলৰ পতাকা প্ৰদৰ্শন কৰে ৷ এই উদ্ধোধনী মেচত ক্ৰমে ৰাজ্য চৰকাৰৰ মন্ত্ৰী পিযুষ হাজৰিকা, কাৰ্বি আংলঙ স্বায়ত্ত শাসিত পৰিষদৰ মুখ্য কাৰ্যবাহী সদস্য তুলিৰাম ৰংহাং, অসম বেডমিণ্টন সন্থাৰ সাধাৰণ সম্পাদক অমৰ ৰাশিদ, উপসভাপতি এল' হেমন্ত সিং, কোষাধ্যক্ষ বদন বৰা, টুৰ্ণামেণ্ট কমিটিৰ অধ্যক্ষ পৰাণ হাজৰিকা, যুটীয়া সম্পাদক নৰুল আকতাৰ, বিনিত গগৈ, গৌতম মহন্ত আৰু কাৰ্যবাহী সদস্য দিগন্ত বৰগোঁহাই আৰু তৰঙ্গ গগৈ উপস্থিত থাকে ৷