দক্ষিণ কামৰূপ, 20 জুলাই : গ্ৰীষ্মকালীন বন্ধৰ এই সময়ছোৱাত শিশুসকলোক অন্য ঠাই পৰিভ্ৰমণ কৰাৰ লগতে শিশুসকলক আন আন দিশসমূহত আগুৱাই নিয়াৰ উদ্দেশ্যে আয়োজন কৰা হয় গ্ৰীষ্মকালীন কৰ্মশালাৰ ৷ ভিন্ন ঠাইৰ লগতে দক্ষিণ কামৰূপৰ ৰামপুৰতো 'অৰিয়েল গ্ৰুপ'ৰ উদ্যোগত আৰু 'ৰ'দ কাঁচিয়লিৰ' সহযোগত আয়োজন কৰা হয় গ্ৰীষ্মকালীন কৰ্মশালাৰ । য'ত শিশুসকলক ভিন্ন সামগ্ৰী প্ৰস্তুত কৰা সম্পৰ্কত আয়োজন কৰা হয় প্ৰশিক্ষণ শিৱিৰৰ । বিভিন্ন আৰ্হিৰ কাগজৰ সামগ্ৰী, চোলাত ৰং দিয়া, ছবি অংকন কৰা , কফি পেইণ্টিং আদিবোৰৰ প্ৰশিক্ষণ দিয়া হয় এই কৰ্মশালাত ।
বিদ্যালয়ৰ পৰা দিয়া গ্ৰীষ্ম বন্ধৰ কালচোৱাত এনেদৰে অন্য ঠাই পৰিভ্ৰমণ নকৰি এই প্ৰশিক্ষণ ল'বলৈ অঞ্চলটোৰ ৮০ গৰাকীতকৈও অধিক শিশুসকলে এই কৰ্মশালাত অংশগ্ৰহণ কৰে । আজি এই গ্ৰীষ্মকালীন কৰ্মশালাৰ অন্ত পৰে যদিও সকলো ছাত্ৰ-ছাত্ৰীয়ে নিজ হাতেৰে বনাই প্ৰস্তুত কৰা সামগ্ৰীসমূহৰ এখন প্ৰদৰ্শনী দেখুওৱা হয় । এই প্ৰদৰ্শনীত অংশগ্ৰহণ কৰে পলাশবাৰী চক্ৰ বিষয়া সু-সপ্না কাকতি,বিশিষ্ট সমাজকৰ্মী পংকজলোচন গোস্বামী ।
