বকো, 17 জানুৱাৰী : বকোৰ সোণতলীত দেওবাৰে সংঘটিত হয় এক ভয়ংকৰ পথ দুৰ্ঘটনা। গৰৈমাৰী পৰা সোনতলী অভিমুখী AS 25 L 7100 নম্বৰৰ মাৰুতি বাহনে নিয়ন্ত্ৰণ হেৰুৱাই পথৰ দাঁতিত থকা গছত খুন্দিওৱাত সংঘটিত হয় এই দুৰ্ঘটনা। দুৰ্ঘটনাটোৰ ফলত তিনিজন লোক গুৰুতৰভাৱে আঘাতপ্ৰাপ্ত হয় ৷
আঘাতপ্ৰাপ্ত লোক কেইজন ক্ৰমে আব্দুল কায়ুম, নুৰ হুছেইন, আৰু মজনুৰ ৰহমান বুলি জানিব পৰা গৈছে । পৰৱৰ্তী সময়ত আহত লোক কেইজনক সংকটজনক অৱস্থাত গুৱাহাটী চিকিৎসা মহাবিদ্যালয় হাস্পতাললৈ প্ৰেৰণ কৰা হয় । ইফালে ঘটনাস্থলীত সোণতলী আৰক্ষী উপস্থিত হৈ দুৰ্ঘটনাগ্ৰস্ত গাড়ীখন উদ্ধাৰ কৰি থানালৈ লৈ আনে ৷
লগতে পঢ়ক: গোলাঘাটত মুখ্যমন্ত্ৰীৰ সভাত মিছা কথাকৈ মহিলা গোটোৱাৰ অভিযোগ !
