বকো, 29 ডিচেম্বৰ: শনিবাৰে নিশা বকোৰ জাৰাপাৰাত সংঘটিত হয় ভয়াৱহ পথ দুৰ্ঘটনা । ফলত থিতাতে নিহত হয় এজন স্কুটি আৰোহী । জাৰাপাৰাৰ এইচ পি তেল ডিপোৰ সমীপত ১৭ নং ৰাষ্ট্ৰীয় ঘাইপথত সংঘটিত হয় দুৰ্ঘটনাটো । ঘটনাস্থলীত উপস্থিত হৈ বকো আৰক্ষীয়ে স্কুটি আৰোহীজনক ততাতৈয়াকৈ বকো প্ৰাথমিক স্বাস্থ্য কেন্দ্ৰত ভৰ্তি কৰাই যদিও চিকিৎসকে মৃত ঘোষণা কৰে ব্যক্তিজনক । মৃত ব্যক্তিজন বকো সমষ্টিৰ হাহিমৰ ৰঞ্জিৎ কুমাৰ ৰাভা বুলি চিনাক্ত কৰিছে আৰক্ষীয়ে। বকোৰ জনস্বাস্থ্য কাৰিকৰী বিভাগত চতুৰ্থ বৰ্গৰ কৰ্মচাৰী আছিল ৰঞ্জিৎ ৰাভা ৷ কৰ্ম্মসূত্ৰে পৰিয়ালৰ স'তে অফিচৰ কোৱাৰ্টাৰত বাস কৰিছিল ব্যক্তিজন ৷ উল্লেখ্য যে , দুৰ্ঘটনাটো কেনেদৰে সংঘটিত হ'ল সেই বিষয়ে বৰ্তমানলৈ জানিব পৰা যোৱা নাই যদিও আৰক্ষীৰ তদন্ত অব্যাহত আছে ৷
বকোৰ জাৰাপাৰাত পথ দুৰ্ঘটনা
লগতে পঢ়ক: চাকৰি দিয়াৰ নামত ধন আত্মসাৎ কৰি গ্ৰেপ্তাৰ অভিযুক্ত প্ৰৱঞ্চক
