ৰঙিয়া, 3 মাৰ্চঃ ৰঙিয়াৰ সুন্ধিয়াত বিশুদ্ধ খোৱা পানীৰ বাবে বহু অভিলাষী আঁচনি আছে যদিও নাই বিশুদ্ধ পানী ৷ প্ৰায় ১০ বছৰ পূৰ্বে নিৰ্মাণ হৈছিল সুন্ধিয়াৰ পানী যোগান আঁচনি ৷ কিন্তু স্থানীয় ৰাইজৰ অভিযোগ কেইবা বছৰ ধৰি এই আঁচনিৰ পৰা ৰাইজক এটুপিও বিশুদ্ধ খোৱা পানীৰ যোগান ধৰিব পৰা নাই জনস্বাস্থ্য কাৰিকৰী বিভাগে ৷ নিৰ্মাণ সম্পূৰ্ণ হোৱাৰ কেইবছৰমানলৈ পানী যোগান ধৰিছিল যদিও পিচলৈ বিকল হৈ পৰে এই আঁচনিখন ৷ অভিযোগ অনুসৰি বছৰে বছৰে মেৰামতিৰ বাবে ধন আহে যদিও সেই ধন সোমায় গৈ ঠিকাদাৰ আৰু বিষয়াৰ জেপত ৷
ৰাইজে বিশুদ্ধ পানীৰ নামত ইয়াৰ মেৰামতি আৰু নিৰ্মাণৰ বাবে বিভাগটোৰ বিষয়া,কৰ্মচাৰী আৰু ঠিকাদাৰে চলাই আহিছে লুন্ঠন ৷ যাৰ বাবে অঞ্চলটোৰ দৰিদ্ৰ লোকসকলে অত্যাধিক আইৰণযুক্ত অপৰিষ্কাৰ পানী সেৱন কৰি বিভিন্ন ৰোগত আক্রান্ত হৈছে ৷ ৰাইজে শীঘ্ৰে এই পানী যোগান আঁচনিটো পুনৰ কাৰ্যক্ষম কৰাৰ বাবে দাবী জনাইছে কৰ্তৃপক্ষ ৷
লগতে পঢ়কঃ হাগ্ৰামাৰ মডেল বিটিচিত ৰাইজে খায় নিজৰাৰ পানী
