ৰঙিয়া,5 ডিচেম্বৰ: ৰঙিয়াৰ বনগাঁৱত ভয়ংকৰ অগ্নিকাণ্ড ৷ বনগাঁৱৰ নিবাসী আহমেদ আনচাৰীৰ বাসগৃহত সংঘটিত হৈছে এই অগ্নিকাণ্ডৰ ঘটনা । কম সময়ৰ ভিতৰতে চাৰিটাকৈ কোঠা আৱৰি ধৰে জুইৰ লেলিহানে ৷ অগ্নিকাণ্ডত জাহ যায় নগদ ৩০ হাজাৰ টকাসহ প্ৰায় পাঁচ লাখকৈ টকাৰ সা-সামগ্ৰী ।
শুকুৰবাৰে মাজনিশা সংঘটিত হয় এই অগ্নিকাণ্ডৰ ঘটনা । অগ্নিকাণ্ডত কথমপি প্ৰাণ ৰক্ষা পৰে ঘৰটোৰ ভিতৰত থকা পাঁচজনকৈ লোকৰ । দুৰ্ঘটনাটোত আঘাতপ্ৰাপ্ত হয় ঘৰটোৰ গৰাকী আহমেদ আনচাৰী । অগ্নি নিৰ্বাপক বাহিনীক খবৰ দিয়া হয় যদিও জুইত জাহ যায় চাৰিটাকৈ কোঠালী । বৰ্তমানলৈকে অগ্নিকাণ্ডৰ কাৰণ জানিবলৈ পৰা হোৱা নাই ।
অন্য এক খবৰৰ বাবে: লাহৰীঘাটৰ পথ দুৰ্ঘটনাত নিহত এজন
