ৰঙিয়াত দুৰ্ঘটনাত পতিত চিলিণ্ডাৰ ভৰ্তি ট্ৰাক

ৰঙিয়া-ধমধমা পথত ভয়ংকৰ পথ দুৰ্ঘটনা । দুৰ্ঘটনাগ্ৰস্ত চিলিণ্ডাৰ ভৰ্তি ট্ৰাক ৷ ভয়ংকৰ বিস্ফোৰণ সংঘটিত হোৱাৰ পৰা কথমপি ৰক্ষা পৰে অঞ্চলটো ৷

ৰঙিয়া, 3 আগষ্টঃ ৰঙিয়া-ধমধমা পথত সংঘটিত হয় এক ভয়ংকৰ পথ দুৰ্ঘটনা ৷ পথটোৰ জামতোলাত কালভাৰ্ট ভাঙি চিলিণ্ডাৰ ভৰ্তি এখন ট্ৰাক বাগৰি পৰিল দ' খাৱৈত । শনিবাৰে জামতোলাৰ ইণ্ডেণ গেছ এজেন্সিলৈ ৰন্ধন গেছ ভৰ্তি AS-25-CC-7746 নম্বৰৰ ট্ৰাক এখন গৈ থকা অৱস্থাত এজেন্সিটোৰ সমীপতে পথটোত থকা কালভাৰ্টটো ভাঙি ট্ৰাকখন বাগৰি পৰে । লগে লগে গাড়ীৰ পৰা গেছ ভৰ্তি চিলিণ্ডাৰবোৰ বাগৰি পৰে । সৌভাগ্যক্ৰমে পানীত পৰা বাবে চিলিণ্ডাৰবোৰ বিস্ফোৰণ নোহোৱাকৈ থাকে। যাৰবাবে নিচেই ওচৰতে থকা পৰিয়ালবোৰৰ কথমপি প্ৰাণ ৰক্ষা পৰে । স্থানীয় ৰাইজে কালভাৰ্ট নিৰ্মাণ কৰা ঠিকাদাৰৰ গাফিলতিৰ বাবে দুৰ্ঘটনা সংঘটিত হোৱাৰ অভিযোগ উত্থাপন কৰিছে ৷