বাইহাটা, 16 জুন : বাইহাটা চাৰিআলিৰ গুইয়া পঞ্চায়তত প্ৰতিবাদৰ ঢৌ । প্ৰধানমন্ত্ৰী আৱাসগৃহ(Pradhan Mantri Awas Yojana) ৰ হিতাধিকাৰীৰ তালিকাক লৈ সাব্যস্ত এই উত্তাল প্ৰতিবাদ । অৰ্ধ শতাধিক পুৰুষ-মহিলাই পঞ্চায়তটোৰ কাৰ্যালয় ঘেৰাও কৰি সাব্যস্ত কৰিলে প্ৰতিবাদ । চৰকাৰী চাকৰি(Government job) থকা ব্যক্তিৰ নাম তালিকাখনত অন্তৰ্ভূক্ত থকাৰ অভিযোগ প্ৰতিবাদী ৰাইজৰ ৷
স্থানীয় ৰাইজে জনোৱা মতে, পূৰ্বতে দুই-তিনিবাৰ চৰকাৰী আৱাসগৃহ পোৱা হিতাধিকাৰীৰ প্ৰধানমন্ত্ৰী আৱাসগৃহৰ তালিকাত আছে নাম ৷ গাঁৱৰ সদস্যক এটা ঘৰ দিয়াৰ নামত বিশ হাজাৰৰ পৰা ত্ৰিশ হাজাৰলৈ ধন দাবী কৰাৰ অভিযোগ উঠিছে পঞ্চায়ত কৰ্মীসকলৰ বিৰুদ্ধে ৷
আনহাতে, পঞ্চায়তৰ সভানেত্ৰী গৰাকীয়ে সংবাদ মাধ্যমৰ আগত স্বীকাৰোক্তি দিয়া অনুসৰি পঞ্চায়তটোত এতিয়া চলিছে দালালৰাজ ৷ প্ৰতিবাদকাৰীসকলে এই পঞ্চায়তত স্থানীয় বিধায়ক তথা চৰকাৰৰ হস্তক্ষেপ কামনা কৰিছে ।
লগতে পঢ়ক : নগাঁৱত কেৰেলাৰ বাছ চালকৰ আত্মহত্যা
