বকো,10 জুন : মহাবাহুৰ সংহাৰী ৰূপত ভীতিগ্ৰস্ত হৈ নিৰুপায় হৈ পৰিছে দক্ষিণ কামৰূপৰ বকোৰ পানীখাইটিবাসী ৰাইজ । ব্ৰহ্মপুত্ৰ গৰাখহনীয়াৰ পৰা পৰিত্ৰাণ পাবলৈ চৰকাৰৰ পৰিৱৰ্তে নেদেখাজনক আৰাধনা কৰিছে নৈপৰীয়া লোকসকলে । উল্লেখ্য যে, দীৰ্ঘদিনৰ পৰাই বকোৰ সোণতলী পানীখাইটিত ব্ৰহ্মপুত্ৰৰ তীব্ৰ খহনীয়া চলি আছে ।
বৰলুইতৰ তীব্ৰ খহনীয়াত ভেটি-মাটি সৰ্বস্ব হেৰুৱাই ইতিমধ্যে আশ্ৰয়হীন হ’বলগীয়া হৈছে বহুকেইটা পৰিয়াল । গৰাখহনীয়া প্ৰতিৰোধৰ ক্ষেত্ৰত চৰকাৰ-প্ৰশাসনে গুৰুত্ব আৰোপ নকৰাত কামৰূপ জিলা জমিয়তৰ পৰা এক দোৱা-প্ৰাৰ্থনাৰ আয়োজন কৰে খহনীয়াগ্ৰস্ত লোকসকলে ৷
বৰলুইতক ৰুধিবলৈ চৰকাৰ-প্ৰশাসনে প্ৰতিবছৰে অভিলাষী আঁচনি গ্ৰহণ কৰিছে যদিও সেয়া সোণতলীৰ ক্ষেত্ৰত ফুটুকাৰ ফেনত পৰিণত হোৱা লেখীয়া হৈছে । গতিকে গৰাখহনীয়া প্ৰতিৰোধ কৰাৰ ক্ষেত্ৰত নতুন চৰকাৰে ব্যৱস্থা গ্ৰহণ কৰিবনে নাই, সেয়া সময়তহে লক্ষ্যণীয় হ’ব ৷
লগতে পঢ়ক : স্বৰাজোত্তৰ কালৰ উন্নয়নৰ বিপৰীত ছবি কঢ়িওৱা এখন গাঁও
