বকো, 15 নৱেম্বৰ : অসম মেঘালয় সীমান্তৱৰ্তী মেঘালয়ৰ উত্তৰ গাৰো পাহাৰ জিলাৰ আদগ্ৰেত মঙলবাৰে উপস্থিত হয় মেঘালয়ৰ মুখ্যমন্ত্ৰী কনৰাড চাংমা । আগন্তুক মেঘালয়ৰ বিধানসভা নিৰ্বাচনৰ (Meghalaya Assembly Elections) পূৰ্বে আজি এক ৰাজহুৱা অনুষ্ঠানত ভাগ লয় মুখ্যমন্ত্ৰীগৰাকী ৷ লগতে মেঘালয়ৰ মুখ্যমন্ত্ৰীগৰাকী আজি নৱ নিৰ্মিত আদগ্ৰে গ্ৰাম্য উন্নয়ন খণ্ড উদ্বোধন কৰে (Meghalaya CM inaugurates new development block) ।
এই অনুষ্ঠানত অংশগ্ৰহণ কৰি মুখ্যমন্ত্ৰীগৰাকীয়ে (Meghalaya CM Conrad Sangma) ভাষণত কয় যে, এই উন্নয়ন খণ্ডৰ দ্বাৰা মেঘালয়ৰ পিছ পৰি থকা অঞ্চলসমূহৰ ৰাইজ যথেষ্ট লাভান্বিত হ’ব । লগতে এই ৰাজহুৱা অনুষ্ঠানতে মুখ্যমন্ত্ৰীগৰাকীয়ে অঞ্চলটোৰ বহু কেইটা আত্ম সহায়ক গোটক আৰ্থিক সাহাৰ্যও প্ৰদান কৰে ৷
ইয়াৰ উপৰিও বহু কেইখন গাঁৱত ৰাজহুৱা সভাগৃহ নিৰ্মাণৰ বাবে প্ৰায় 14 লাখ টকাৰ অনুদান আগবঢ়ায় ।
উল্লেখ্য যে, আদগ্ৰেত আয়োজিত এই অনুষ্ঠানৰ আঁত ধৰে মেঘালয়ৰ খাৰকুটা সমষ্টিৰ বিধায়ক ৰুপাৰ্ট ম’মিনে । প্ৰায় পাঁচ হাজাৰ লোকে অংশগ্ৰহণ কৰা এই অনুষ্ঠানত উত্তৰ গাৰো পাহাৰ জিলাৰ আৰক্ষী অধীক্ষক, উপায়ুক্তকে ধৰি সমূহ বিভাগৰে উচ্চ পদস্থ বিষয়া আৰু বহু কেইগৰাকী নেতাই অংশ গ্ৰহণ কৰে ।
লগতে পঢ়ক : Journalists Responsibility : সংবাদিকসকল শান্তিৰ দূত নে কেৱল বাৰ্তাবাহক ?
