বাইহাটা চাৰিআলি, 29 নৱেম্বৰ: কামৰূপৰ বাইহাটা চাৰিআলিত দেওবাৰে আৰক্ষীয়ে জব্দ কৰে ৭০ কাৰ্টন অবৈধ পাউদাৰ গাখীৰৰ পেকেট । বাইহাটা চাৰিআলি আৰক্ষীয়ে এক গোপন সূত্ৰৰ ভিত্তিত আলিপূৱ গাঁৱৰ মহম্মদ চাহাব আলীৰ ঘৰত অভিযান চলাই জব্দ কৰে পাউদাৰ গাখীৰখিনি । আৰক্ষীয়ে জব্দ কৰা গাখীৰৰ পেকেটকেইটা নেষ্টলে এভৰী ডে’ ডেইৰী মিল্কৰ ।
বাইহাটাত ৭০ কাৰ্টন নেষ্টলে এভৰেদি ডেইৰী মিল্কৰ পেকেট জব্দ
গাখীৰৰ কাৰ্টনকেইটাৰ কোনো ধৰণৰ বৈধ নথিপত্ৰ দেখুৱাব নোৱাৰাৰ বাবে চাহাব আলীক আৰক্ষীয়ে আটক কৰে ৷ আৰক্ষীৰ দলটোৱে গাখীৰখিনি সৰবৰাহ কৰা AS 25 EC 3263 নম্বৰৰ বলেৰ' পিকআপ ভানখনো জব্দ কৰে । আৰক্ষীয়ে জানিবলৈ দিয়া মতে, জব্দকৃত গাখীৰ খিনিৰ মূল্য প্ৰায় 3.50 লাখ টকা ।
