মহানগৰীৰ খ্ৰীষ্টানবস্তিত শুকুৰবাৰে বিধ্বংসী অগ্নিকাণ্ড

গুৱাহাটী মহানগৰীত ভয়াৱহ অগ্নিকাণ্ডৰ ঘটনা । খ্ৰীষ্টানবস্তিৰ জে জে'ছ ৰেষ্টুৰেণ্ট আৰু বাৰত সংঘটিত হয় এই অগ্নিকাণ্ড । অগ্নিকাণ্ডৰ ফলত সম্পূৰ্ণৰূপে ভষ্মীভূত ৰেষ্টুৰেণ্ট আৰু বাৰখনৰ এটা কোঠা ।

গুৱাহাটী, 25 এপ্ৰিল: গুৱাহাটী মহানগৰীত শুকুৰবাৰে সংঘটিত হয় এক বিধ্বংসী অগ্নিকাণ্ডৰ ঘটনা । খ্ৰীষ্টানবস্তিৰ জে জে'ছ ৰেষ্টুৰেণ্ট আৰু বাৰত সংঘটিত হয় এই অগ্নিকাণ্ড । অগ্নিকাণ্ডৰ ফলত সম্পূৰ্ণৰূপে ভষ্মীভূত হয় ৰেষ্টুৰেণ্ট আৰু বাৰখনৰ এটা কোঠা। শুকুৰবাৰে সন্ধিয়া প্ৰায় ৫ মান বজাত জে জে'ছ ৰেষ্টুৰেণ্ট আৰু বাৰৰ এটা কোঠাৰ পৰা ক'লা ধোঁৱা ওলাই থকা প্ৰত্যক্ষ কৰি স্থানীয় লোকে অগ্নিনিৰ্বাপক বাহিনী খবৰ দিয়াত অগ্নি নিৰ্বাপক বাহিনীৰ এটা দল ঘটনাস্থলীত উপস্থিত হৈ জুই নুমোৱাবলৈ সক্ষম হয় ।

লক ডাউনৰ ফলত ৰেষ্টুৰেণ্ট আৰু বাৰখন বন্ধ আছিল যদিও এটা কোঠাত থকা এ চিত শ্বৰ্ট চাৰ্কিট হোৱাৰ ফলত এই অগ্নিকাণ্ড সংঘটিত হোৱা বুলি সন্দেহ প্ৰকাশ কৰা হৈছে । এই অগ্নিকাণ্ডৰ ফলত কোনো লোক হতাহত হোৱা নাই । লগতে পঢ়ক : মহিলাৰ বাবে হেল্পলাইন নম্বৰ মুকলি আৰএছএছৰ