দুলাল ৰয় আৰু আৰতি দাসলৈ ২০১৯ বৰ্ষৰ নটসূৰ্য ফণী শৰ্মা বঁটা

ৰঙিয়াত অনুষ্ঠিত হ'ল নটসূৰ্য ফণী শৰ্মা বঁটা প্ৰদান অনুষ্ঠান ৷ এই অনুষ্ঠানত মুখ্যমন্ত্ৰী সৰ্বানন্দ সোণোৱালৰ লগতে ৰঙিয়াৰ স্থানীয় বিধায়ক তথা দুৰ্যোগ প্ৰশমন বিভাগৰ মন্ত্ৰী ভবেশ কলিতা আৰু সাংস্কৃতিক পৰিক্ৰমা বিভাগৰ মন্ত্ৰী নৱ কুমাৰ দলে উপষ্ঠিত থাকে ।

ৰঙিয়া,31 জুলাইঃ বৃহস্পতিবাৰে ৰঙিয়াৰ বাৰ্মিজ ফিল্ডত ২০১৯ বৰ্ষৰ নটসূৰ্য ফণী শৰ্মা বঁটা প্ৰদান কৰা হয় । অনুষ্ঠানটোত মুখ্যমন্ত্ৰী সৰ্বানন্দ সোণোৱালৰ লগতে ৰঙিয়াৰ স্থানীয় বিধায়ক তথা দুৰ্যোগ প্ৰশমন বিভাগৰ মন্ত্ৰী ভবেশ কলিতা আৰু সাংস্কৃতিক পৰিক্ৰমা বিভাগৰ মন্ত্ৰী নৱ কুমাৰ দলে উপষ্ঠিত থাকে । অসম চৰকাৰৰ সাংস্কৃতিক সঞ্চালকালয়ৰ উদ্যোগত কামৰূপ জিলা আৰু ৰঙিয়া মহকুমা প্ৰশাসনৰ সহযোগত অনুষ্ঠিত অনুষ্ঠানটোত এইবাৰৰ নটসূৰ্য ফণী শৰ্মা বঁটা শ্ৰী দুলাল ৰয় আৰু শ্ৰীমতী আৰতি দাস বৈৰাগীক প্ৰদান কৰে ।

উল্লেখ্য যে এই বঁটাত আছে দুই লাখ টকা, এখন অংগবস্ত্ৰ, গামোচা আৰু এখন শৰাই । ইপিনে এই বঁটা লাভ কৰা শ্ৰী দুলাল ৰয়ে একে অনুষ্ঠানতেই মুখ্যমন্ত্ৰীৰ হাতত বান সাহায্য ৰূপে 1 লাখ টকা আগবঢ়াই ।