কামৰূপ, 21 জুনঃ চাংসাৰীত উদ্ধাৰ বৃহৎ পৰিমাণৰ বিস্ফোৰক সামগ্ৰী। চাংসাৰী আৰক্ষী আৰু বন বিভাগৰ যুটীয়া অভিযানত উদ্ধাৰ বৃহৎ পৰিমাণৰ জিলেটিন আৰু ডিটনেটৰ । "NIPER" প্ৰতিষ্ঠান চৌহদত উদ্ধাৰ হয় বিস্ফোৰক সামগ্ৰীখিনি। "NIPER" প্ৰতিষ্ঠানত কৰ্মৰত নাগাৰ্জুনা কনষ্ট্ৰাকচন কোম্পানীয়ে অবৈধভাৱে মজুত কৰি ৰাখিছিল উদ্ধাৰ হোৱা সামগ্ৰীখিনি ৷ লগেত আটক কৰে নাগাৰ্জুনা কনষ্ট্ৰাকচন কোম্পানীৰ পৰিচালক সুদীপ্ত কুমাৰ পাণ্ডে নামৰ লোকজনক । নাগাৰ্জুনা কনষ্ট্ৰাকচন কোম্পানীয়ে দীৰ্ঘদিন ধৰি প্ৰকল্প চৌহদত অবৈধভাৱে মজুত কৰি ৰাখিছিল ৮২ ডাল জিলেটিন আৰু ৭২ বাণ্ডিল ডিটনেটৰ।
আনহাতে,চাংসাৰী আৰক্ষীয়ে ভাৰতীয় দণ্ডবিধি আইনৰ 120(B)/379 ধাৰাত 228/19 নম্বৰত এক গোচৰ ৰুজু কৰি ঘটনা সন্দৰ্ভত আৰম্ভ কৰিছে তদন্ত। উল্লেখ্য যে দীৰ্ঘদিন ধৰি বন বিভাগ আৰু প্ৰশাসনৰ নিৰ্লিপ্ততাৰ বাবে NIPER চৌহদত চলি আহিছে পাহাৰ ধ্বংস যজ্ঞ।
