ৰঙিয়া, 9 অক্টোবৰঃ ৰঙিয়াত উত্তৰ-পূৱ সীমান্ত ৰে'লৱেৰ এক অনন্য প্ৰয়াস ৷ ৰঙিয়া জংচনৰ প্ৰৱেশ দ্বাৰৰ সন্মুখত স্থাপন ডিজিটেল মিউজিয়াম ৷ আটকধুনীয়া ডিজিটেল মিউজিয়ামটোত উপলব্ধ কৰা হৈছে ৰে'ল বিভাগৰ বহু আপুৰুগীয়া ছবিৰ লগতে দাঙি ধৰিছে ভাৰতীয় ৰে'ল বিভাগৰ বৰ্ণিল ইতিহাসৰ চানেকি ৷ ইয়াৰ লগতে ডিজিটেল মিউজিয়ামটোত অন্তৰ্ভুক্ত কৰা হৈছে জাতিৰ পিতা মহাত্মা গান্ধীয়ে স্বাধীনতা আন্দোলনৰ সময়ত ৰে'লযোগে ভাৰতৰ বিভিন্ন ঠাই পৰিভ্ৰমণ কৰা সেই দুৰ্লভ আলোকচিত্ৰসমুহ ৷ এই ডিজিটেল মিউজিয়ামটোত উপলব্ধ হ'ব ৰেল যাত্ৰীৰ বাবে নীতি-নিয়ম তথা বিভিন্ন সা-সুবিধাৰ বিষয়সমূহ ৷ ৰে'ল বিভাগৰ এই কাৰ্যই ৰঙিয়া জংচনক এক অনন্য মাত্ৰা প্ৰদান কৰাৰ লগতে ৰঙিয়াবাসীলৈ নিশ্চয়কৈ সুখৰ বতৰা কঢ়িয়াই আনিছে ৷
ৰঙিয়া জংচনত ডিজিটেল মিউজিয়াম স্থাপন
