উত্তৰ গুৱাহাটী,৯ আগষ্ট : স্বাধীনতা দিৱসৰ প্ৰাকমুহূৰ্তত উত্তৰ গুৱাহাটীত বিশাল পদযাত্ৰা (Road Show of Commando Battalion)। স্বাধীনতা দিৱসলৈ মাজত মাত্ৰ কেইটামান দিন বাকী থকা অৱস্থাতে এই বিশাল পদযাত্ৰা । উত্তৰ গুৱাহাটীস্থিত অসম আৰক্ষীৰ কামাণ্ডো বেটেলিয়ানৰ তৰফৰ পৰা উলিওৱা হয় এই পদযাত্ৰা (Commando Battalion Road Show in North Guwahati)।
ইতিমধ্যে চাৰিওফালে স্বাধীনতা দিৱসৰ প্ৰস্তুতি চলিছে । সমগ্ৰ দেশতে স্বাধীনতা দিৱস উদযাপনৰ বাবে নানান ব্যৱস্থা হাতত লোৱা হৈছে । তাৰ মাজতে আজাদী কা অমৃত মহোৎসৱ আৰু হৰ ঘৰ ত্ৰিৰংগা কাৰ্যসূচীৰ সজাগতাৰ বাবে অসম আৰক্ষীৰ সহস্ৰাধিক কামাণ্ডো বেটেলিয়নৰ জোৱানে পদযাত্ৰাৰ আয়োজন কৰে ।
হাতে হাতে ত্ৰিৰংগা লৈ কামাণ্ডো বেটেলিয়নৰ জোৱানসকলে অংশগ্ৰহণ কৰে এই বিশাল পদযাত্ৰাত । উদ্যোক্তাই জনোৱা মতে প্ৰধানমন্ত্ৰী নৰেন্দ্ৰ মোডীৰ "হৰ ঘৰ ত্ৰিৰংগা" সফল কৰাৰ উদ্দেশ্যে লোৱা হৈছে এই কাৰ্যসূচী । পদযাত্ৰাত অংশ লোৱাৰ উপৰিও জোৱান আৰু বিষয়াসকলে স্থানীয় কেইবাখনো স্কুল আৰু ৰাজহুৱা স্থান চাফ-চিকুণ কৰে ।
লগতে পঢ়ক :Financial Literacy camp : তেজপুৰত শিক্ষাৰ্থীসকলৰ মাজত বিত্তীয় সাক্ষৰতা শিবিৰ
