ছয়গাঁও, 1 ডিচেম্বৰঃ শনিবাৰে গোৱৰ্ধনত সামৰণি পৰে কামৰূপ জিলা ৰাভা ছাত্ৰ সন্থাৰ উদ্যোগত আৰম্ভ কৰা দুদিনীয়া পদযাত্ৰা কাৰ্যসূচীৰ ৷ অসম ৰাজ্যিক ৰাজধানী ক্ষেত্ৰ উন্নয়ন প্ৰাধিকাৰী আইন-২০১৭ৰ আঁওতাৰ পৰা ৰাভা হাছং এলেকা তথা ট্ৰাইবেল বেল্ট আৰু ব্লকৰ এলেকাধীন গাঁও সমূহ কৰ্তন কৰাৰ দাবীত কামৰূপ জিলা ৰাভা ছাত্ৰ সন্থাৰ উদ্যোগত বন্দাপাৰাৰ পৰা ২৯ নৱেম্বৰত আৰম্ভ কৰা হৈছিল এই পদযাত্ৰা ৷ শনিবাৰে বকোৰ গান্ধী ময়দানৰ পৰা আৰম্ভ কৰা এই পদযাত্ৰাত প্ৰায় তিনি সহস্ৰাধিক লোকে অংশগ্ৰহণ কৰে ৷ উক্ত কাৰ্যসূচীত ৰাভা মহিলা পৰিষদৰ সভানেত্ৰী হিমা ৰাভা, ৰাভা হাছং স্বায়ত্বশাসিত পৰিষদৰ সদস্য নগৰমল স্বৰ্গীয়াৰী, বেংগলী ছাত্ৰ ফেডাৰেচনৰ সঞ্জয় চৌধুৰীৰ লগতে কেবাগৰাকীও নেতাই ভাষণ প্ৰদান কৰে ৷ লগতে চৰকাৰে এই সিদ্ধান্ত বাতিল নকৰিলে ভৱিষ্যতে তীব্ৰ আন্দোলন গঢ়ি তুলিব বুলি ৰাজ্য চাৰকাৰক সকিয়াই দিয়ে আন্দোলনকাৰীসকলে ৷
আৰু পঢ়ক- শিলচৰত অঘটন: চলন্ত ৰেলত ডেগাৰেৰে হানি-খুচি প্ৰাণ ল'লে এজনৰ
