বকোত জব্দ বৃহৎ পৰিমাণৰ কুণ্ডা

বকোত সংঘটিত হোৱা পথ দুৰ্ঘটনাত জব্দ হয় বৃহৎ পৰিমাণৰ শাল,চেগুনৰ কুণ্ডা ৷ বামুণীগাঁও বন সুৰক্ষা বাহিনীয়ে জব্দ কৰে কুণ্ডাভৰ্তি বাহনখন ৷

বকো, 20 চেপ্তেম্বৰ : শুকুৰবাৰে ছয়গাঁৱৰ প্ৰীতিপুৰত সংঘটিত হয় এক পথ দুৰ্ঘটনা ৷ নিয়ন্ত্ৰণ হেৰুৱাই পথৰ দাঁতিত বাগৰি পৰে এখন কুণ্ডা ভৰ্তি টাটা ডি আই বাহন ৷ ডি আই বাহনখনত অনা হৈছিল বৃহৎ পৰিমাণৰ শাল,চেগুনৰ কুণ্ডা ৷ দুৰ্ঘটনাটোত কথমপি ৰক্ষা পৰে বাহনখনৰ চালক ৷

ইফালে,দুৰ্ঘটনা সংঘটিত হোৱাৰ পাছতে পোহৰলৈ আহে আন এক ঘটনা ৷ দুৰ্ঘটনা সংঘটিত হোৱা বাহনখনত আছিল চোৰাং কাঠ ৷ বাহনখনৰ পৰা উদ্ধাৰ হয় ৩১ডালকৈ শাল আৰু চেগুনৰ কুণ্ডা ৷ বামুণীগাঁও বনসুৰক্ষা বাহিনীয়ে জব্দ কৰে কুণ্ডাভৰ্তি বাহনখন ৷