বকো, 1 অক্টোম্বৰঃ বৃহস্পতিবাৰে বকো আৰক্ষী থানাত অনুষ্টুপীয়াকৈ উদযাপন কৰা হয় 'অসম আৰক্ষী দিৱস' ৷ ১৯২৩ চনতে স্থাপিত হোৱা ঐতিহ্যমণ্ডিত বকো আৰক্ষী থানাৰ নৱনিযুক্ত ভাৰপ্ৰাপ্ত আৰক্ষী বিষয়া সনজিৎ কুমাৰ ৰায়ক 'অসম আৰক্ষী দিৱস' উপলক্ষে বৃহস্পতিবাৰে বহু দল, সংগঠনে সম্বৰ্ধনা জনায় ৷ বকো আৰক্ষীয়ে ৰাইজক প্ৰত্যেক মুহূৰ্ততে সঁহাৰি জনাই অহাৰ বাবে বকো থানাৰ ভাৰপ্ৰাপ্ত আৰক্ষী বিষয়া সনজিৎ কুমাৰ ৰায়ক প্ৰশংসা কৰে বকোবাসীয়ে ।
লগতে পঢ়কঃ ডিলাই আৰক্ষীৰ জালত চুৰি বিলাসী বাহনসহ এজন লোক
অসম আৰক্ষী দিৱস উপলক্ষে বকো ৰাজহ চক্ৰ বিষয়া সুৰজিৎ কলিতা, নৱনিযুক্ত ছমৰীয়া ৰাজহ চক্ৰ বিষয়া বৃষ্টি বৰাই আৰক্ষী বিষয়াগৰাকীক সম্ভাষণ জনায় ৷ লগতে বকো আৰক্ষীৰ সৈতে কেক কাটি অনুষ্টুপীয়াকৈ 'অসম আৰক্ষী দিৱস' উদযাপন কৰে।
