কামৰূপ,29 মে' : কামৰূপৰ বাইহাটা চাৰিআলিত তিনিটা বাইক চোৰ আটক । নিশা চুৰি মটৰ চাইকেল সহ বাইহাটা চাৰিআলিৰ নগাঁৱত আটক হয় বাইক চোৰ কেইটা ।
কামৰূপত আটক 3 বাইক চোৰ
চুৰি কৰা মটৰ চাইকেল খনেৰে নগাঁও অঞ্চলত ঘূৰি থকা দেখি সন্দেহ হয় স্থানীয় ৰাইজৰ । সেই সময়তে মটৰ চাইকেলৰ তেল শেষ হয় । স্থানীয় ব্যক্তি কেইজনমানে পুৰণি মটৰ চাইকেল খনৰ নম্বৰ প্লেট নেদেখি সন্দেহবশতঃ কাগজ পত্ৰ চাবলৈ বিচৰাত যুৱক দুজনে পলায়ন কৰিবলৈ চেষ্টা কৰে । স্থানীয় ৰাইজে খেদি গৈ চোৰ কেইজনক কৰায়ত্ব কৰে । ঘটনাস্থলীত উপস্থিত হৈ চোৰ কেইটাক বাইহাটা চাৰিআলি আৰক্ষীয়ে থানালৈ লৈ আহে । ধৃত চোৰ কেইটাৰ দুজন কুমাৰিকাটাৰ ৰাকেশ আলী আৰু চইফুল আলী আৰু অন্য জন চয়গাৱৰ নচিম আলী বুলি চিনাক্ত কৰা হৈছে । বৰ্তমান আৰক্ষীয়ে চুৰদুটাক সোধা-পোচ অব্যাহত ৰাখিছে ৷
