স্বামীৰ অত্যাচাৰৰ বলি ৰঙিয়াৰ এগৰাকী মহিলা

উল্লেখ্য যে, ছমাহ পূৰ্বে স্বামী চাইদুল ইছলামে পত্নীৰ দেহত এচিড ঢালি দিয়ে। বুধবাৰে পুনৰ পত্নীক বাট আগচি ভাবুকি দিবলৈ লওতেই স্থানীয় ৰাইজে চাইদুলক ঘটনাস্থলীতেই উত্তম মাধ্যম দিয়ে

ৰঙিয়া, 8 মেঃ ৰঙিয়াত স্বামীৰ অত্যাচাৰৰ বলি হ'ল এগৰাকী মহিলা ৷ চাৰিবছৰ পূৰ্বে ৰঙিয়াৰ উদিয়ানাৰ চাইদুল ইছলামৰ লগত মহিলাগৰাকীৰ প্ৰেম বিবাহ হৈছিল যদিও স্বামীৰ অত্যাচাৰ সহিব নোৱাৰি ঘৰলৈ ওভতি আহিছিল মহিলাগৰাকী ৷ সেই ঘটনাৰ ছমাহ পিচতে স্বামী চাইদুল ইছলামে পত্নীৰ দেহত এচিড ঢালি দিয়ে। ইমানতে শান্ত নাথাকি চাইদুলে প্ৰায়ে ৰাস্তাই ঘাটে পত্নীক ভাবুকি দিয়ে ৷

বুধবাৰে পুনৰ পত্নীক বাট আগচি ভাবুকি দিবলৈ লওতেই স্থানীয় ৰাইজে চাইদুলক ঘটনাস্থলীতেই উত্তম মাধ্যম দিয়ে ৷ পিচত ছোৱালীজনীৰ পৰিয়ালৰ লোকে ৰঙিয়া থানাত এক গোচৰ ৰুজু কৰে ৷