বাইহাটা,১৭ মাৰ্চ: বিজেপি-অগপৰ মিত্ৰজোঁটৰ ছয়গাঁও সমষ্টিৰ প্ৰাৰ্থী ডাঃ কমলা কলিতাই বুধবাৰে মনোনয়ন পত্ৰ দাখিল কৰে । ছয়গাঁও সমষ্টিৰ ৰিটাৰ্ণিং বিষয়া প্ৰশান্ত প্ৰতীম কাঠকটীয়াক দাখিল কৰিলে মনোনয়ন পত্ৰ । "ৰেকিবুদ্দিন হটাও ছয়গাঁও বচাও" শ্ল'গানেৰে নিৰ্বাচনী যুঁজত অৱতীৰ্ণ হ'বলৈ সাজু হৈছে ডাঃ কমলা কলিতা ।
জ্যেষ্ঠ অগপ নেতাগৰাকীয়ে কয় যে, ৰেকিবুদ্দিন আহমেদ বিধায়ক হৈ থকাৰ সময়ত ছয়গাঁৱত অপ সংস্কৃতিয়ে ছানি ধৰিছে বুলি অভিযোগ উত্থাপন কৰিলে প্ৰাৰ্থীগৰাকীয়ে । ৰেকিবুদ্দিন আহমেদৰ দম্ভ এইবাৰ ভোটাৰে মষিমূৰ কৰিব বুলি দাবী কৰে জ্যেষ্ঠ অগপ নেতা গৰাকীয়ে ।
ছয়গাঁৱৰ উন্নয়নৰ স্বাৰ্থত ৰাইজে বিপুল ভোটত তেওঁক জয়ী কৰিব বুলি দাবী কৰে । লগতে ৰাজ্যত অগপ দলে ২০ খন আসন লাভ কৰিব বুলিও তেওঁ মন্তব্য কৰে ।
