ৰঙিয়া, 28 আগষ্ট : সমগ্ৰ ৰাজ্যৰ লগতে ৰঙিয়াৰ বিভিন্ন স্থানত ক'লা পতাকা উৰুৱাই আক্ৰাছুৱে শুক্ৰবাৰে প্ৰতাৰণা দিৱস পালন কৰে । আক্ৰাছুৱে এই দিনটো ক'লা দিৱস ৰূপে পালন কৰি আহিছে ।
উল্লেখ্য যে 1949 চনৰ 28আগষ্টৰ দিনটোত ভাৰত চৰকাৰ আৰু কমতাপুৰ (কোচবিহাৰ)ৰ মাজত হোৱা মাৰ্জাৰ চুক্তিৰ দিনটো আক্ৰাছুৱে ক'লা দিৱস হিচাপে পালন কৰি আহিছে । ভাৰত চৰকাৰে তেতিয়াৰ কলিকতাত বাসকৰা কোচ-ৰাজবংশী সকলৰ লগত উক্ত চুক্তি সম্পন্ন কৰিছিল ।
যাৰ ফলত অসমত বাস কৰি থকা কোচ-ৰাজবংশী লোকসকল নিজৰ অধিকাৰৰ পৰা বঞ্চিত হৈ আহিছে বুলি ক্ষোভ প্ৰকাশ কৰে সংগঠনটোৱে । শুক্ৰবাৰে ৰঙিয়াত কোচ-ৰাজবংশী ছাত্র সন্থা(আক্ৰাছু)ৰ সদস্য সকলে ৰঙিয়াৰ চেপ্তি,মুৰাৰা,হাইৱে চক,চক্ৰ বিষয়াৰ কাৰ্য্যালয়ৰ লগতে কেইবাঠাইতো ক'লা পতাকা উৰুৱাই প্ৰতিবাদ সাব্যস্ত কৰে । তেওঁলোকৰ মূল দাবী হৈছে কোচ-ৰাজবংশী সকলক অনুসূচিত জাতিৰ অন্তৰ্ভুক্ত কৰাৰ লগতে পৃঠকে কমতাপুৰ গঠন কৰা ।
লগতে পঢ়ক : ৰাজ্যযুৰি আক্ৰাছুৰ প্ৰতাৰণা দিৱস উদযাপন, চিৰাঙত ক'লা পতাকা উত্তোলনেৰে প্ৰতিবাদ
