বাইহাটা চাৰিআলি, 16 এপ্ৰিল : কোভিড-১৯ৰ বাবে বিশ্বজুৰি চলি থকা লক ডাউনৰ সময়ছোৱাত কেন্দ্ৰ তথা ৰাজ্য চৰকাৰসমূহে দৰিদ্ৰ পৰিয়াললৈ সাহাৰ্য আগবঢ়াইছে যদিও শিল্পীসকলো এই দিশত পিছপৰি ৰোৱা নাই ৷ শিল্পীসকলেও পাৰ্যমানে দৰিদ্ৰ পৰিয়ালক সহায় কৰিবলৈ আগবাঢ়ি আহিছে ৷ তেনে কিছু দুখীয়া পৰিয়ালক খাদ্য সামগ্ৰী বিতৰণ কৰিছে অসমীয়া সাংস্কৃতিক জগতৰ মোহময়ী অভিনেত্ৰী প্ৰস্তুতি পৰাশৰে ।
দৰিদ্ৰ পৰিয়াললৈ সাহাৰ্য প্ৰদান অভিনেত্ৰী প্ৰস্তুতি পৰাশৰৰ
অভিনেত্ৰীগৰাকীয়ে বাইহাটা চাৰিআলিৰ মান্দাকাটা অঞ্চলৰ প্ৰায় ডেৰশ পৰিয়াললৈ আগবঢ়ায় খাদ্য সামগ্ৰীৰ লগতে আৰ্থিক সাহাৰ্য । সকলোৱে এনেদৰে সহায়ৰ হাত আগবঢ়ালে কৰ’ণাৰ বিৰুদ্ধে চলি থকা যুদ্ধখনত জয়ী কৰিব পৰা যাব বুলি উল্লেখ অভিনেত্ৰী প্ৰস্তুতি পৰাশৰে উল্লেখ কৰে ।
লগতে পঢ়ক : ঢোল-বাদনেৰে দৃষ্টি আকৰ্ষণ কৰা এগৰাকী যুৱতী
