ৰঙিয়া, 2 নৱেম্বৰ: উচ্চতৰ মাধ্যমিক চূড়ান্ত পৰীক্ষাৰ কলা শাখাত অসমৰ ভিতৰত তৃতীয় স্থান লাভ কৰা প্ৰেগমেটিক একাডেমিৰ ছাত্ৰী সংগীতা দাসক সোমবাৰে সদৌ অসম ছাত্ৰ সন্থাই সম্বৰ্ধনা জ্ঞাপন কৰে । ৰঙিয়া মহাবিদ্যালয়ত কামৰূপ জিলা ছাত্ৰ সন্থাৰ সাধাৰণ সম্পাদক হেমন্ত দাসে আঁতধৰা এক অনুষ্ঠানত ছাত্ৰীগৰাকীক আছুৱে সম্বৰ্ধনা জনায় ।
অনুষ্ঠানটোত ৰঙিয়া মহাবিদ্যালয়ৰ ছাত্র-ছাত্ৰী, মহাবিদ্যালয়খনৰ অধ্যক্ষ ব্ৰজেন্দ্ৰ শইকীয়াৰ লগতে ছাত্র সন্থাৰ তথ্য আৰু কাৰ্যালয় সম্পাদক ধৰ্মেশ্বৰ দাস, সদৌ ৰঙিয়া মহকুমা ছাত্ৰ সন্থাৰ নবনিৰ্বাচিত সভাপতি সোণজ্যোতি বৰুৱা সহ কেইবাজনো বিষয়ববীয়া উপস্থিত থাকে ৷ ক'ৰণা মহামাৰীৰ বাবে এই বছৰ আছুৱে অভিনন্দন অনুষ্ঠান স্থগিত ৰাখি ছাত্র-ছাত্ৰীসকলক ঘৰে ঘৰে অভিনন্দন জনাই বুলি জানিবলৈ দিয়ে ৷
লগতে পঢ়ক: 18নৱেম্বৰৰ পৰা গুৱাহাটী বিশ্ববিদ্যালয়ত বি.এ্ৰড প্ৰথম বৰ্ষৰ পৰীক্ষা
