বাইহাটা চাৰিআলি, 24 আগষ্টঃ বাইহাটা চাৰিআলিৰ কেন্দুকোনাৰ এখন দোকানত শীতল পানীয়ৰ বটলৰ ভিতৰত পোৱা গ'ল পোক । উৎকত গৰমৰ পৰা পৰিত্ৰাণ পাবলৈ এজন গ্ৰাহকে লিচি-ৰ বটল কিনোতে প্ৰত্যক্ষ কৰে ৷ গ্ৰাহকজনে বটলৰ ভিতৰত কেইবাটাও পোক দেখি কথাটো দোকানীজনক অৱগত কৰে । শীতল পানীয় প্ৰস্তুত কৰা উদ্যোগ সমূহে বটল সমূহ ভালদৰে পৰিস্কাৰ নকৰাকৈ শীতল পানীয় সমূহ ভৰোৱাৰ ফলত এইদৰে পোক সমূহ ৰৈ যায় বুলি মত ব্যক্ত কৰে এজন গ্ৰাহকে । সেয়ে এই উদ্যোগসমূহৰ শীতল পানীয় প্ৰস্তুতকৰণ আৰু বটলত সোমোৱাৰ সমূহ প্ৰক্ৰিয়াৰ ওপৰত প্ৰশাসনক নজৰ দিয়াৰ দাবী জনাই গ্ৰাহকসকলে ।
বাইহাটাত শীতল পানীয়ৰ বটলত ওলাল পোক
