গুৱাহাটী, ২৩ মাৰ্চ: বিশ্ব মুকাভিনয় দিৱসৰ উপলক্ষে (World mime day 2022) মহানগৰীৰ বিষ্ণু নিৰ্মলা ভৱনত উন্মোচন কৰা হয় Mime Journal 'নিৰ্বাক' ৰ দ্বিতীয় সংখ্যা (Mime journal Nirbak) । 'নিৰ্বাক' হ’ল ভাৰতবৰ্ষৰ পৰা প্ৰকাশিত প্ৰথমখন আন্তঃৰাষ্ট্ৰীয় মাইম জাৰ্নেল ।
মুকাভিনয় শিল্পী মিনাংক ডেকাৰ সম্পাদনাত আৰু প্রতীতি কাত্যায়নৰ সহঃসম্পাদনাত প্ৰকাশ পোৱা জাৰ্নেলখন প্ৰতি বছৰে বিশ্ব মুকাভিনয় দিৱসত প্ৰকাশ কৰা হয় । এই জাৰ্নেল খনত জাৰ্মানী, ফ্ৰান্স, মাৰ্কিন যুক্তৰাষ্ট্ৰ, কানাডা ইত্যাদি বিভিন্ন দেশৰ মুকাভিনয় শিল্পী সকলৰ লিখনি প্ৰকাশ পাইছে ।
'নিৰ্বাক'ৰ উন্মোচনী অনুষ্ঠানত উপস্থিত থাকে বিশিষ্ট নাট্যকাৰ দুলাল ৰয়, মানবেন্দ্ৰ ৰংহাং চৌধুৰী, ৰবিজিতা গগৈ, অধিবক্তা তথা সাংবাদিক দীপক শৰ্মা আৰু অভিনেতা অৰ্ঘদীপ বৰুৱা । অনুষ্ঠানৰ আঁত ধৰে অভিনেতা জগদীশ ডেকাই ।
লগতে পঢ়ক:৪২ খন শৰাই আগবঢ়াই আহোম স্বৰ্গদেউসকলক শ্ৰদ্ধা নিবেদন চৰাইদেউ মৈদামত
