হায়দৰাবাদ: ভোডাফোন আইডিয়াই মুকলি কৰিছে এটা নতুন প্ৰিপেইড প্লেন ৷ যাৰ মূল্য মাত্ৰ 209 টকা । যদিও ভোডাফোন আৰু আইডিয়া ব্যৱহাৰকাৰীসকলৰ হাতত ইতিমধ্যে 199 টকাৰ ৰিচাৰ্জ প্লেনৰ বিকল্প আছে, এতিয়া কোম্পানীয়ে মাত্ৰ 10 টকা অধিক খৰচ কৰি প্লেন মুকলি কৰিছে । এনে পৰিস্থিতিত আপুনি নিশ্চয় ভাবিছে যে মাত্ৰ 10 টকাৰ পাৰ্থক্য থকা দুটা প্ৰিপেইড প্লেনৰ সুবিধাত কি আৰু কিমান পাৰ্থক্য থাকিব ---
ভোডাফোন-আইডিয়াৰ নতুন প্লেন
আচলতে ভোডাফোন-আইডিয়াৰ এই নতুন 209 টকীয়া প্লেনত ব্যৱহাৰকাৰীয়ে আনলিমিটেড ভইচ কলিং লাভ কৰে । ইয়াৰ উপৰিও এই প্লেনৰ সৈতে মুঠ 2GB ইণ্টাৰনেট ডাটা আৰু 300 এছএমএছ উপলব্ধ । এই প্ৰিপেইড ৰিচাৰ্জ প্লেনৰ বৈধতা 28 দিন ।
একে সময়তে ভোডাফোন-আইডিয়াৰ 199 টকীয়া প্লেনত ব্যৱহাৰকাৰীয়ে আনলিমিটেড ভইচ কলিং, মুঠ 2 GB ডাটা আৰু মুঠ 300 টা এছএমএছ লাভ কৰে যাৰ বৈধতা 28 দিনৰ । এতিয়া আপুনি নিশ্চয় ভাবিছে যে 199 টকীয়া আৰু 209 টকীয়া প্লেনৰ মাজত কি পাৰ্থক্য আছে । আচলতে এই দুটা প্লেনৰ মাজত পাৰ্থক্য মাথোঁ আনলিমিটেড কলাৰ টিউনৰ ।
মাত্ৰ 10 টকাত আপুনি লাভ কৰিব পাৰে আনলিমিটেড কলাৰ টিউন
নিয়মীয়াকৈ কলাৰ টিউন সলনি কৰি ভাল পোৱা VI ব্যৱহাৰকাৰীসকলে অতিৰিক্ত 10 টকা খৰচ কৰি 209 টকাৰ প্ৰিপেইড ৰিচাৰ্জ প্লেন ক্ৰয় কৰিব লাগিব । 209 টকাৰ এই নতুন প্ৰিপেইড প্লেনৰ জৰিয়তে কোম্পানীয়ে ওপৰত উল্লেখ কৰা সকলো সুবিধাৰ লগতে আনলিমিটেড কলাৰ টিউনৰ সুবিধা আগবঢ়াইছে, যিবোৰ বহু গ্ৰাহকৰ বাবে প্ৰথম পছন্দ । ইয়াৰ বাহিৰেও এই প্লেন দুটাৰ লাভৰ ক্ষেত্ৰত কোনো বৃহৎ পাৰ্থক্য দেখা নাযায় ।
এনে পৰিস্থিতিত 199 টকীয়া প্লেনৰ দৈনিক খৰচ হিচাপ কৰিলে প্ৰতিদিনে প্ৰায় 7.11 টকা, আনহাতে 209 টকীয়া প্লেনৰ দৈনিক খৰচ 7.46 টকা । এনে পৰিস্থিতিত ব্যৱহাৰকাৰীয়ে প্ৰতিদিনে মাত্ৰ 35 পইচা অতিৰিক্ত খৰচ কৰি সীমাহীন কলাৰ টিউনৰ সুবিধা লাভ কৰিব পাৰে ।
এইবোৰৰ উপৰিও ভোডাফোন-আইডিয়াই 218 টকাৰ অতিৰিক্ত প্লেন আগবঢ়াইছে, য’ত 300 এছএমএছ আৰু মুঠ 3 GB ডাটাৰ সৈতে আনলিমিটেড ভইচ কলিংৰ ব্যৱস্থা আছে । এই প্লেনৰ ব্যৱহাৰকাৰীসকলে সম্পূৰ্ণ এমাহৰ বাবে বৈধতা লাভ কৰিব । অৰ্থাৎ আপুনি যি তাৰিখত ৰিচাৰ্জ কৰে, পৰৱৰ্তী মাহৰ উক্ত তাৰিখটোতে আপোনাৰ প্লেনৰ বৈধতা শেষ হ’ব ।
