গুৱাহাটী, 11জুলাইঃ ভৰ বাৰিষা পানীৰ লগতে আহিছে মাৰাত্মক ৰোগৰ বীজাণু ৷ ব্ৰহ্মপুত্ৰ আৰু ইয়াৰ উপনৈ সমূহ ফেনে ফোটোকাৰে বাঢ়ি অহাৰ বাঢ়নি পানীয়ে ৰাজ্যৰ বিভিন্ন প্ৰান্তত বিভীষিকাৰ সৃষ্টি কৰিছে সৰ্বত্ৰে ৷ বানত ডুবিছে ৰাজ্যৰ বিস্তীৰ্ণ অঞ্চল ৷ এফালে যদি বানৰ বিভীষিকা,আনফালে মাৰাত্মক ৰোগৰ প্ৰাদূৰ্ভাৱ ৷ শেহতীয়াকৈ ৰাজ্যত মহামাৰীৰ ৰূপ লৈছে জাপানীজ এনকেফেলাইটিছ ৰোগে ৷ কিন্তু ইয়াতেই শেষ হোৱা নাই সমস্যাৰ ৷ বাৰিষাৰ সময়ছোৱাত প্ৰদূষিত পানী সেৱন কৰাৰ ফলত মানুহৰ শৰীৰত বাঁহ ল'ব পাৰে কেবাবিধো মাৰাত্মক ৰোগৰ বীজাণুৱে৷ কিয়নো পানীৰ পৰাই মানুহৰ দেহত বিয়পে
- ডায়েৰীয়া,কলেৰা,জণ্ডিচ,হেপাটাইটিছ এ,হেপেটাইটিছ ই,
- টাইফয়ড,পেৰা টাইফয়ড জ্বৰ,জি আৰডাইছিছ, এমিবাইছিছ
আদি মাৰাত্মক ৰোগ ৷ ৰাজ্য চৰকাৰৰ তথ্যত প্ৰকাশ পোৱা তথ্যনুসৰি
- অসমৰ ২২ খন জিলাৰ ভূ-গৰ্ভস্থ পানীত আছে মাৰাত্মক ৰাসায়নিক দ্ৰব্যপানীৰ লগতে আহিছে মাৰাত্মক ৰোগৰ বীজাণু
এই ভুগৰ্ভস্থ জলত থকা
- ফ্ল'ৰাইড,আৰ্চেনিক,আইৰন,চেলিনিটি, নাইট্ৰেট
- আদিৰ ফলত মানুহৰ শৰীৰত বাঁহ ল'ব পাৰে মাৰাত্মক ৰোগে ৷ কিন্তু বেমাৰৰ পৰা হাত সাৰি থাকিবলৈ কি কি সাৱধানতা অৱলম্বন কৰিব আপুনি ৷
- পৰিস্কাৰ পৰিচ্ছন্নতাই ৰোধ কৰে বহু ৰোগ
- অপৰিস্কাৰ পৰিৱেশ ডায়েৰীয়া,কলেৰা,ফিটা অথবা ঘূৰণীয়া পেলুৰ কাৰক
উল্লেখ্য যে প্ৰতি বছৰে ভাৰতবৰ্ষত
- ৩৭.৭ নিযুত লোক পানীৰ পৰা হোৱা ৰোগত আক্ৰান্ত হয়
- বছৰি প্ৰায় ১.৫ নিযুত শিশুৰ মৃত্যু হয় ডায়েৰিয়াত
পানীৰ পৰা হোৱা ৰোগৰ ক্ষেত্ৰত তৃতীয় স্থানত আছে অসম । বাৰিষাৰ বানৰ পাছতে ৰাজ্যত বৃদ্ধি পায় ৰোগৰ প্ৰাদূৰ্ভাৱ৷ মৃত্যু হয় বহুলোকৰ ৷ স্বাস্থ্য বিভাগৰ পৰ্যাপ্ত কৰ্মীৰ অভাৱ ৷
- এতিয়াও ৰাজ্যত ৩১৯৯ জন স্বাস্থ্য কৰ্মীৰ অভাৱ
- পৰ্যাপ্ত চিকিৎসক নাই জনসংখ্যাৰ বিপৰীতে ৷
বিশ্ব স্বাস্থ্য সংস্থাৰ তথ্য মতে প্ৰত্যেক এহেজাৰ জনসংখ্যাৰ বিপৰীতে এজন চিকিৎসক থাকিব লাগে যদিও
- অসমত প্ৰতি দুহেজাৰ জনসংখ্যাৰ বিপৰীতে এজন চিকিৎসক আছে
একেদৰে বি টি এ ডি আৰু বৰাক উপত্যকাৰ জিলাসমূহত এতিয়াও চিকিৎসকৰ অভাৱ আছে ৷ আনহাতে কেন্দ্ৰীয় পৰিৱেশ আৰু বন বিভাগৰ তথ্য অনুসৰি
- অসমৰ ৪৪ খন নদী ভাৰতৰ ভিতৰত আটাইতকৈ প্ৰদূষিত
এই প্ৰদূষিত নদীৰ ভিতৰত আছে
- ভৰলু, ব্ৰহ্মপুত্ৰ,ভোগদৈ ,বেকী,জীয়া ভৰালী,
- কলং,কপিলী,জাঁজী,পুঠিমাৰী,ৰঙা নদী
