7 বজাৰ দহটা শীৰ্ষ খবৰ

7 বজাৰ দহটা শীৰ্ষ খবৰ

বুধবাৰে সংঘটিত শোকাৱহ নাও দুৰ্ঘটনাৰ বুজ ল’বলৈ বৃহস্পতিবাৰে নিমাতীঘাটত উপস্থিত হয় উপস্থিত মুখ্যমন্ত্ৰী ড৹ হিমন্ত বিশ্ব শৰ্মা । মুখ্যমন্ত্ৰীগৰাকীয়ে এই শোকাৱহ দুৰ্ঘটনাৰ বুজ লৈ ঘটনা সন্দৰ্ভত যোৰহাট আৰক্ষী চকীত এটা ফৌজদাৰী গোচৰ ৰুজু কৰাৰ কথা জানিবলৈ দিয়ে ৷ তেওঁ লগতে, যোৰহাট-মাজুলীৰ মাজত এটা ইঞ্জিনযুক্ত ফেৰী চলাচল বৃহস্পতিবাৰৰ পৰা বন্ধ ঘোষণা কৰে ৷

নিমাতীঘাটৰ ঘটনাৰ পৰিণতিত বৃহস্পতিবাৰে মাজুলীৰ জিলা সদৰ গড়মূৰত প্ৰতিবাদত লিপ্ত হৈছিল আছু, মাজুলীৰ ৰাইজ আৰু মাজুলীৰ মহাবিদ্যালয় সমূহৰ ছাত্ৰ সমাজ ৷ এই প্ৰতিবাদ নিয়ন্ত্ৰণ কৰিবলৈ প্ৰতিবাদকাৰীৰ ওপৰত লাঠী চালনা কৰে আৰক্ষীয়ে ৷ অৱশ্যে, প্ৰতিবাদকাৰী সকলৰ সৈতে মাটিত বহি আলোচনাত মিলিত হোৱা দেখা গ’ল মন্ত্ৰী বিমল বৰাক ৷

সমগ্র ৰাজ্যকে কঁপাই যোৱা নিমাতীঘাটৰ শোকাৱহ ফেৰী দুৰ্ঘটনাৰ পুনৰাবৃত্তি ঘটিব পাৰে লখিমপুৰতো । ইতিমধ্যে এনে সংশয়ে গা কৰি উঠিছে জিলাখনত ।

মাজুলী-নিমাতীঘাটৰ শোকাবহ নাও দুৰ্ঘটনাত নাওবৈচাৰ ৰামপুৰ মাধৱপুৰৰ ইন্দ্ৰেশ্বৰ বৰা সন্ধানহীন ৷ পত্নীক উদ্ধাৰ কৰি আন যাত্ৰীক উদ্ধাৰ বাবে যাওঁতেই সন্ধানহীন হ’ল ইন্দ্ৰেশ্বৰ বৰা ৷

নিমাতীঘাটত সংঘটিত ঘটনাৰ বাবে জলপৰিবহণ বিভাগৰ সমানেই যাত্ৰীৰো ভুল আছে বুলি মন্তব্য বিজেপিৰ বিধায়ক অতুল বৰাৰ ৷ যাত্ৰীসকলে নাৱেৰে ব্ৰহ্মপুত্ৰ নদী পাৰ হওতে সজাগ আৰু সচেতন হোৱাৰ প্ৰয়োজন বুলি মন্তব্য বিধায়কগৰাকীৰ ৷ যোৰহাট-মাজুলী সংযোগী দলঙখন নিৰ্মাণ কৰাত চৰকাৰে পলম নকৰা হ’লে এনে ধৰণৰ ঘটনা নহ'লহেতেন বুলিও মত পোষণ কৰিছে বৰাই ৷

মা কমলা'তে জীৱনৰ শেষ যাত্ৰা কৰিলে পৰিমিতাই ৷ ইতিমধ্যে গুৱাহাটীৰ কাহিলীপাৰা স্বগৃহলৈ অনা হ'ল পৰিমিতা দাসৰ নশ্বৰদেহ ৷ কাহিলীপাৰাত বৰ্তমান এক অবৰ্ণনীয় পৰিবেশে বিৰাজ কৰিছে ৷ অশ্ৰুসিক্ত নয়নেৰে পৰিমিতালৈ শেষ শ্ৰদ্ধাঞ্জলি আত্মীয়ৰ ৷

গোলাঘাট জিলাৰ আৱৰ্ত ভৱনত গোলাঘাটৰ জিলা কোষাগাৰত মজুত থকা মুঠ ১১৯৫ টা গঁড়ৰ খৰ্গৰ পুনৰ পৰীক্ষণ কৰা হৈছে বৃহস্পতিবাৰৰ দিনটোত ।

কেন্দ্ৰীয় চৰকাৰে ছয়টা ৰবি শস্যৰ বাবে নিম্নতম সমৰ্থন মূল্য বৃদ্ধি হোৱাৰ কথা ঘোষণা কৰিছে । কেন্দ্ৰীয় কেবিনটত এই সিদ্ধান্ত গ্ৰহণ কৰা হৈছে । চৰকাৰৰ এই সিদ্ধান্ত সমালোচনা কৃষক নেতাসকলৰ । চৰকাৰৰ ঘোষণাক লৈ কি কি ক'লে কৃষক নেতা ৰাকেশ টিকাইটে ?

এমাজন(Amazon) কোম্পানীৰ কৰ্মচাৰী বুলি পৰিচয় দি ভুৱা কল চেণ্টাৰ চলাই পশ্চিমবংগ আৰক্ষী(West Bengal Police)ৰ জালত পৰিল ২২ জন লোক । ৰাজ্যখনৰ নিউ আলিপুৰ অঞ্চলৰ পৰা বুধবাৰে আৰক্ষীয়ে আটাইকেইজনকে গ্ৰেপ্তাৰ কৰে ।

নিমাতীঘাটৰ নাও দুৰ্ঘটনাত কথমপি প্ৰানৰক্ষা পৰা দেৰগাঁৱৰ দানিচাপৰি গাঁৱৰ ঘনকান্ত টাইড আৰু মাজুলী চেলেক গাঁৱৰ মালতি টাইড আৰু তেওঁৰ পুত্ৰ পাপলু টাইডৰ শিহৰনকাৰী বৰ্ণনাই বুকু কপাই তুলিছে সকলোকে ।