সাত বজাৰ শীৰ্ষ দহ বাতৰি...

সাত বজাৰ শীৰ্ষ দহ বাতৰি...

টিংখাঙৰ বৰবিলত অইল ইণ্ডিয়া কৰ্তৃপক্ষৰ বিৰুদ্ধে প্ৰতিবাদ সাব্যস্ত কৰিল স্থানীয় লোকে । তেওঁলোকৰ অভিযোগ, প্ৰায় আশী দশকৰ পৰাই অঞ্চলটোৰ পৰা কোটি কোটি টকাৰ খাৰুৱা তেল সংগ্ৰহ কৰি অহা অইল কৰ্তৃপক্ষই আজি পৰ্যন্ত গাঁওখনত নকৰিলে কোনো ধৰণৰ উন্নয়নমূলক কাম ।

সোমবাৰে প্ৰাক্তন মন্ত্ৰী অজন্তা নেওগে তেওঁৰ গোলাঘাটৰ এৰেংগাপাৰাস্থিত নিজা বাসগৃহত এখন সংবাদমেল সম্বোধন কৰে । শেহতীয়াকৈ অসমৰ চৰকাৰৰ কেবিনেটে লোৱা ভূমি নীতিৰ সিদ্ধান্তক সম্পূৰ্ণ একপক্ষীয় সিদ্ধান্ত বুলি আখ্যা দিয়ে কংগ্ৰেছ নেত্ৰী গৰাকীয়ে ।

বলীউডত যি নিজৰ সপোনক বাস্তৱলৈ ৰূপান্তৰ কৰিলে, তেওঁৰ শক্তিশালী অভিনয়ে সকলোকে তেওঁৰ প্ৰেমিক কৰি তুলিলে ৷ যাৰ আন্দাজ আন সকলোতকৈ পৃথক ,তেওঁ কেৱল এজন সাধাৰণ মানুহেই নহয়, বৰঞ্চ তেওঁ এনেকুৱা এগৰাকী অভিনেতা যাক দেখি বহু মানুহৰ আত্মবিশ্বাস জাগি উঠে ৷ তেওঁ আন কোনো নহয়, তেওঁ হ'ল বলীউডৰ জনপ্ৰিয় অভিনেতা ৰণবীৰ সিং ৷ আজি অভিনেতাগৰাকীৰ 35 সংখ্যক জন্মদিন ৷

নতুন উদ্যোগ নীতিৰ অধ্যাদেশ প্ৰত্যাহাৰ আৰু খিলঞ্জীয়াৰ ভূমি নীতিৰ অধিকাৰ সুৰক্ষিত কৰাৰ দাবীত সোমবাৰে যৌথ প্ৰতিবাদ সাব্যস্ত কৰে কৃষক মুক্তি সংগ্ৰাম সমিতিৰ লগতে ছাত্ৰ মুক্তি সংগ্ৰাম সমিতিয়ে ৷ সংগঠন দুটাই গোলাঘাট চৰকাৰী উচ্চতৰ মাধ্যমিক বিদ্যালয়ৰ সন্মুখত এই প্ৰতিবাদ সাব্যস্ত কৰে ৷

তিনিচুকীয়াৰ ফিল’বাৰীৰ বুঢ়ীদিহিং মৌজাৰ অন্তৰ্গত নামহুলোং জলসিঞ্চন প্ৰকল্পৰ বিধ্বস্ত ৰূপ ৷ 1962 চনত জলসিঞ্চন বিভাগৰ আঁচনিৰ অধীনত নিৰ্মাণ কৰা হৈছিল উক্ত প্ৰকল্প ৷ 2007 প্ৰায় এক কোটি বিশ লাখ টকা ব্যয় সাপেক্ষে ইয়াৰ মেৰামতি কৰা হৈছিল যদিও ই জহি-খহি যায় ৷ ফলত কৃষকসকলে তীব্ৰ প্ৰত্যাহ্বানৰ সন্মুখীন হ’বলগীয়া হৈছে ৷

একেটা দিনতে কামপুৰৰ দুটা স্থানত সংঘটিত হয় দুই কৰুণ দুৰ্ঘটনা । কামপুৰৰ চেঙাজানত বাঢ়নী পানীত পৰি এটি শিশুৰ সলিল সমাধি ঘটাৰ বিপৰীতে, কাকতিপাৰাত সংঘটিত এক পথ দুৰ্ঘটনাত ডাম্পাৰৰ খুন্দাত মৃত্যুক সাৱটি লয় এগৰাকী পথচাৰীয়ে ।

দক্ষিণ চীন সাগৰত চীনৰ আগ্ৰাসী আধিপত্যৰ লগতে শেহতীয়া পৰিস্থিতিৰ মাজতে আমেৰিকাই আমেৰিকান নৌ-সেনাৰ অন্যতম শক্তিশালী যুদ্ধবিমান পৰিৱহনকাৰী জাহাজ, নিমিটজ আৰু ৰোনাল্ড ৰেগনক ইয়ালৈ প্ৰেৰণ কৰিছে ৷ দক্ষিণ চীন সাগৰীয় অঞ্চলত সামৰিক প্ৰশিক্ষণত অংশগ্ৰহণ কৰাৰ বাবেই আমেৰিকাই দুয়োখন বিমান পৰিৱহনকাৰী যুদ্ধজাহাজ ইয়ালৈ প্ৰেৰণ কৰাৰ কথা প্ৰকাশ কৰিছে ৷ ভাৰত-প্ৰশান্ত মহাসাগৰীয় অঞ্চলটোত বিনামুলীয়া আৰু মুক্ত পৰিৱহনৰ বাবে এই অনুশীলনত অংশগ্ৰহণ কৰাৰ কথা স্বীকাৰ কৰিছে আমেৰিকাৰ নৌ-সেনাই ৷

বিগত মাহত অকাল মৃত্যু হ'ল বলীউডৰ প্ৰসিদ্ধ অভিনেতা সুশান্ত সিং ৰাজপুতৰ ৷ অনুৰাগীসকলে যেন এতিয়াও মানি ল'ব পৰা নাই এই সত্য ৷ এইকেইদিন ছ'চিয়েল মিডিয়াত পুৰণা ভিডিঅ'বোৰ খুবেই ভাইৰেল হৈ পৰিছে ৷

ৰাজ্য চৰকাৰৰ কৃষক বিৰোধী সিদ্ধান্তৰ বিৰুদ্ধে প্ৰতিবাদ কৃষক মুক্তি সংগ্ৰাম সমিতিৰ ৷ নাৰায়ণপুৰ আৰু বিহপুৰীয়াত কৃষক মুক্তি সংগ্ৰাম সমিতিয়ে গ্ৰহণ কৰিছে অনশন কাৰ্যসূচী ৷

অত্যাৱশ্যকীয় সামগ্ৰীৰ মুল্যবৃদ্ধি বিৰুদ্ধে সৰৱ হৈ পৰে কংগ্ৰেছ দল ৷ অতি শীঘ্ৰে চৰকাৰক বিহিত ব্যৱস্থা গ্ৰহণ কৰিবলৈ দাবী কংগ্ৰেছৰ ৰাজ্যিক সভাপতি ৰিপুণ বৰাৰ ৷