1.প্ৰসংগ NRC: প্ৰতীক হাজেলাৰ বিৰুদ্ধে চিআইডিত গোচৰ আভিজিৎ শর্মাৰ
বংশবৃক্ষ পৰীক্ষণৰ নামত ব্যাপক জালিয়াতিৰ অভিযোগ এনআৰচি(NRC)ৰ প্রাক্তন মুখ্য সমন্বয়ক প্রতীক হাজেলাৰ (Prateek Hajela) বিৰুদ্ধে। দেশদ্রোহী শক্তিৰে মিতিৰালিৰে বিদেশীক ভাৰতীয়কৰণৰ ষড়যন্ত্ৰৰ নেতৃত্ব দিয়াৰ অভিযোগ তুলি হাজেলাৰ বিৰুদ্ধে এজাহাৰ দাখিল কৰিছে এ পি ডব্লিউ (APW)ৰ সভাপতি অভিজিৎ শৰ্মাই ।
2.আৰক্ষীৰ গুলিত আহত ড্ৰাগছ সৰবৰাহকাৰী ছফিকুল ইছলাম
মহানগৰীৰ আজাৰাত আৰক্ষীৰ ড্ৰাগছবিৰোধী অভিযান। অভিযান কালত জব্দ বৃহৎ পৰিমাণৰ নিচাযুক্ত টেবলেটসহ নগদ ২৬ লাখ টকা। জব্দ কৰা টেবলেটখিনিৰ মূল্য প্ৰায় ২.৫৫ কোটি টকা । এই অভিযানত আৰক্ষীয়ে গ্ৰেপ্তাৰ কৰে ড্ৰাগছ সৰবৰাহকাৰী ছফিকুল ইছলামক ।
3.সান্ধ্য আইন ভংগ কৰি আৰক্ষীৰ জালত 4 যুৱক
একাংশ অচেতন লোকে ভংগ কৰি আহিছে চৰকাৰী সকলো নীতি-নিৰ্দেশনা ৷ মঙলবাৰে নিশা ডিচিবি কলেজৰ সন্মুখত সান্ধ্য আইন ভংগ কৰি যোৰহাট আৰক্ষীৰ জালত পৰিল চাৰি যুৱক ৷ যুৱককেইজন ক্ৰমে চাৰফাজ হুছেইন, গৌতম বৰা, নুপুৰ গগৈ আৰু ৰোহন ঘোষ ৷
4.শিৱসাগৰত অত্যাধুনিক ক’ভিড চিকিৎসালয় উদ্বোধন
দেশত মহামাৰী কৰ’ণাৰ দ্বিতীয় লহৰে ভয়াৱহতাৰ সৃষ্টি কৰাৰ সময়তে ৰাজ্যতো কিছু জটিল হৈ পৰিছিল ক’ভিড পৰিস্থিতি ৷ তাৰ পৰিপ্ৰেক্ষিত ৰাজ্য চৰকাৰৰ লগতে স্বাস্থ্য বিভাগে তৎপৰতা গ্ৰহণ কৰি ৰাজ্যৰ চিকিৎসা ব্যৱস্থা উন্নত কৰাৰ বাবে উঠি-পৰি লাগিছে ৷ বিশেষকৈ মুখ্যমন্ত্ৰী ড৹ হিমন্ত বিশ্ব শৰ্মাৰ লগতে স্বাস্থ্যমন্ত্ৰী কেশৱ মহন্তই বিশেষ ভূমিকা পালন কৰা দেখা গৈছে ৷ বুধবাৰে ক’ভিড-১৯ ৰোগৰ বিৰুদ্ধে যুঁজ দিবলৈ শিৱসাগৰত (ONGC) অএনজিচিৰ উদ্যোগত নিৰ্মাণ কৰা অত্যাধুনিক চিকিৎসালয়খন উদ্বোধন কৰে স্বাস্থ্যমন্ত্ৰী কেশৱ মহন্ত (Keshab Mahanta)ই ৷
5.এটুপি বিশুদ্ধ খোৱা পানীৰ বাবে হাহাকাৰ
বছৰ বছৰ ধৰি বিশুদ্ধ খোৱা পানী যোগানৰ পৰা বঞ্চিত হ’বলগা হৈছে চামগুৰি সমষ্টিৰ অন্তৰ্গত পশ্চিম লৰিমুখত কেইবাখনো গাঁৱৰ জনসাধাৰণ ৷ সম্প্ৰতি অঞ্চলবাসীয়ে নৈ, খাল, বিলৰ পানী ব্যৱহাৰ কৰিবলগীয়া হোৱাত বিভিন্ন ৰোগত আক্ৰান্ত হোৱাৰ অভিযোগ উত্থাপিত হৈ আহিছে ৷
6.শদিয়াত মথাউৰি পৰিদৰ্শন জলসম্পদ মন্ত্ৰীৰ
তিনিচুকীয়া জিলাৰ ধলা টাউনৰ কাষতে লাগি থকা বান্ধৰ মাজৰ কিছু অংশ একেবাৰে শোচনীয় হৈ পৰাত সংকিত হৈ পৰিছে স্থানীয় ৰাইজ ৷ বান্ধটো নিৰ্মাণ কৰা আজি প্ৰায় 50 বছৰ অতিক্ৰম কৰিলে কিন্তু আজিকোপতি বান্ধটো মেৰামতি কৰাৰ বাবে বিহিত ব্যৱস্থা গ্ৰহণ নকৰিলে বিভাগীয় কৰ্তৃপক্ষৰ লগতে জলসম্পদ বিভাগে ৷
7.কলগাছিয়াত অব্যাহত বেকী নৈৰ বিধ্বংসী গৰাখহনীয়া
কলগাছিয়া (Kalgasia)ৰ কাউৰজাহী-বলাইপথাৰত অব্যাহত আছে বেকী নৈ (Beki River) ৰ বিধ্বংসী গৰাখহনীয়া (Erosion) ৷ ইতিমধ্যে নৈ খনৰ খহনীয়াত বহু লোকে ঘৰ,মাটি-ভেটি হেৰুৱাই মঠাউৰিৰ ওপৰতে দুৰ্বিস জীৱন অতিবাহিত কৰিবলগীয়া পৰিস্থিতিৰ সৃষ্টি হৈছে স্থানীয় ৰাইজৰ ৷
8.ধুবুৰীত জৰাজীৰ্ণ আৰক্ষী চকী পৰিদৰ্শন আৰক্ষী অধীক্ষকৰ
অসম চুক্তিৰ আধাৰত বিদেশী সমস্যা সমাধানৰ উদ্দেশ্যে অসম পশ্চিমবংগ আৰু অসম বাংলাদেশ সীমান্তত স্থাপন কৰা হয় কেইবাখনো আৰক্ষী নিৰীক্ষণ চকী । উল্লেখযোগ্য যে, আৰক্ষী চকী স্থাপন কৰা হ'ল ঠিকেই কিন্তু দিয়া নহ’ল পৰ্যাপ্ত আৰক্ষীৰ নিযুক্তি । উক্ত আৰক্ষী চকীসমূহ আৰম্ভণিৰ পৰাই এজন বা দুজন আৰক্ষীয়ে চলাই আহিছে যদিও কেতিয়াবা এজনো আৰক্ষী নাথাকে আৰক্ষী চকী সমূহত ৷
9.দিল্লীত ধৰ্ষণৰ অভিযোগত দুজন আৰক্ষীক গ্ৰেপ্তাৰ
দক্ষিণ পশ্চিম দিল্লীত দুগৰাকী যুৱতীক দলবদ্ধ ধৰ্ষণ কৰাৰ অভিযোগত দুজনকৈ আৰক্ষীক গ্ৰেপ্তাৰ কৰিছে দিল্লী আৰক্ষীয়ে। ধৃত আৰক্ষী দুজন দিল্লী কেণ্টেইনমেণ্ট অঞ্চলত কৰ্মৰত আছিল বুলি আৰক্ষী সুত্ৰে জানিব পৰা গৈছে।
10.ক'ভিড-19 ভেকচিন লোৱা যাত্ৰীক 10 শতাংশ মাচুল ৰেহাই ইণ্ডিগ'ৰ
চলিত কৰ'ণা প্ৰতিষেধক (Covid Vaccine) টিকাকৰণ অভিযানত উদগনি দি এয়াৰলাইন ইণ্ডিগ' "Air line Indigo'ই কৰ'ণা প্ৰতিষেধক টিকাকৰণ গ্ৰহণ কৰা ইণ্ডিগ'ৰ IndiGo যাত্ৰীসকলক টিকটত 10% বিশেষ ৰেহাই প্ৰদান কৰিছে।
