1 বজাৰ দহটা শীৰ্ষ বাতৰি

1 বজাৰ দহটা শীৰ্ষ বাতৰি

বুধবাৰে পুৱা মানাহ ৰাষ্ট্ৰীয় উদ্যানত ঘটিল আগে পাছে নঘটা এটি ঘটনা ৷ উদ্যানখনত দুটা গড়ৰ মাজত হোৱা যুঁজত প্ৰাণ হেৰুৱালে এজনী গাভিনী গড়ে ৷

দিল্লী, মহাৰাষ্ট্ৰৰ লগতে দক্ষিণ ভাৰতত ক'ভিডৰ সমান্তৰালকৈ "ব্লেক ফাংগাছ" বা লিউক'ৰমাইক'ছিছ নামৰ ভয়ংকৰ ৰোগবিধে তাণ্ডৱ সৃষ্টি কৰাৰ পিছত অসমতো ধৰা পৰিছে এই ৰোগত আক্ৰান্ত প্ৰথমজন ৰোগী ।

টিংৰাইত শুকুবাৰে দিন দুপৰতে সংঘটিত হোৱা ভয়ংকৰ বিস্ফোৰণৰ সৈতে জড়িত দুয়োজন অভিযুক্তকে মঙলবাৰে গ্ৰেপ্তাৰ কৰিবলৈ সক্ষম হৈছে তিনিচুকীয়া আৰক্ষীয়ে ৷ ডিগবৈত আটক কৰা যুৱকজন লক্ষীপথাৰৰ মুনু ওৰফে হীৰেন গগৈ আৰু আনজন ৰঞ্জিত চাংমাই (১৯) বুলি জানিব পৰা গৈছে ।

সমাগত বাৰিষাক লৈ উদ্বিগ্ন ধেমাজিবাসী ৷ নিৰ্মাণৰত অৱস্থাত থকা মথাউৰি ভাঙি জীয়াঢলৰ পানীয়ে বহু গাঁও প্লাৱিত কৰাৰ আশংকা কৰিছে নৈপৰীয়া ৰাইজে ৷

বৰপেটা চহৰৰ কৰ’ণাত আক্ৰান্ত কেইগৰাকীমান ব্যক্তি ৷ এই ব্যক্তিসকলে মহামাৰী কৰ’ণাক পৰাস্ত কৰি নিজৰ কৰ্মজীৱন সুন্দৰভাৱে চলাই নিবলৈ সক্ষম হৈছে ৷ ফলত হৈ পৰিছে আন একাংশৰ বাবে আদৰ্শস্বৰূপ ৷

25 বছৰে খহনীয়াৰ সৈতে যুঁজি হতাশাত ভূগিছে কৰিমগঞ্জৰ হাতিখিৰাবাসী ৷ বহু পৰিয়ালৰ ঘৰ-বাৰীৰ লগতে এটা গড়কাপ্তানী পথ লংগাই নদীত জাহ যোৱাৰ অভিযোগ স্থানীয় ৰাইজৰ ৷ নৱগঠিত চৰকাৰক ব্যৱস্থা গ্ৰহণৰ কাতৰ আহ্বান খহনীয়াগ্ৰস্ত ৰাইজৰ ৷

কলিয়াবৰৰ এগৰাকী শিক্ষিত যুৱতীয়ে দেখুৱাইছে স্বাৱলম্বনৰ এক সুন্দৰ পথ ৷ অলিস্মিতা শইকীয়া নামৰ যুৱতীগৰাকীয়ে তাঁতশালত কাপোৰ বৈ ফেচবুক, ইনষ্টাগ্ৰামৰ জৰিয়তে সমগ্ৰ অসমতে আৰম্ভ কৰিছে ব্যৱসায় ৷

নতুন চৰকাৰে দায়িত্ব লোৱাৰ পাছত আৰক্ষী আৰু প্ৰশাসনৰ শীৰ্ষ পৰ্যায়ত ব্যাপক সাল-সলনি কৰিছে। মঙলবাৰেও পুনৰ অসম আৰক্ষীত ব্যাপক ৰদ-বদল কৰা হয়।

2014 চনৰ নাৰদা ষ্টিং টেপ গোচৰত অভিযুক্ত মুকুল ৰয় আৰু অপৰুপা পোদ্দাৰৰ বিৰুদ্ধে চিবিআইৰ হাতত এতিয়ালৈকে কোনো তথ্য আহি পৰা নাই ৷ ইফালে দুবছৰ ধৰি লোকসভাৰ অধ্যক্ষৰ ওচৰত বিচাৰাধীন হৈ আছে শুভেন্দু অধিকাৰীকে ধৰি অন্য চাৰি গৰাকীৰ বিৰুদ্ধে গোচৰ চলাবলৈ বিচৰা অনুমোদন ৷

টাউতেৰ সংহাৰত গুজৰাটত প্ৰাণ হেৰুৱালে 13 জনকৈ লোকে ৷ গুজৰাটৰ ভিন্ন প্ৰান্তত বৈদ্যুতিক খুঁটা, গছ-গছনি উভালি পৰাৰ লগতে ঘৰৰ দেৱাল আৰু চাল খহি দুৰ্ভাগ্যজনক মৃত্যুক সাৱটিলে বহুকেইজন লোকে ৷ ঘূৰ্ণী বতাহৰ ফলত ভাৱনগৰৰ এটা প্ৰকল্পত মেডিকেল অক্সিজেনৰ উৎপাদন ব্যাহত ৷