গুৱাহাটী, ১৬ জুন : মুখ্যমন্ত্ৰী ড৹ হিমন্ত বিশ্ব শৰ্মা (Himanta Biswa Sarma)ক বুধবাৰে সাক্ষাৎ কৰে সদৌ অসম প্ৰাথমিক টেট উৰ্ত্তীণ শিক্ষক সমাজৰ এটা প্ৰতিনিধি দলে । প্ৰতিনিধি দলটোৱে অসমৰ বিভিন্ন জিলাত সৰ্বশিক্ষাৰ অধীনত কৰ্মৰত টেট উৰ্ত্তীণ শিক্ষকক এটা নিয়ন্ত্ৰণকাৰী সন্থাৰ অধীনলৈ অনা, এন পি এছ (NPS), গ্ৰেছুইটি (gratuity), মৃতকালীন সা-সুবিধা, ছাৰ্ভিছ বুক (Service book), আপোন ঘৰৰ বেংক লোণ আদি সুবিধাৰ প্ৰদানৰ দাবীৰে মুখ্যমন্ত্রীক এখন স্মাৰক পত্ৰ প্ৰদান কৰে ।
মুখ্যমন্ত্ৰীক সাক্ষাৎ কৰা সন্দৰ্ভত সমাজৰ সভাপতি ত্ৰৈলোক্য ডেকাই জনাই যে শিক্ষকসকলৰ দাবীসমূহ মুখ্যমন্ত্ৰীয়ে শীঘ্ৰে সমাধানৰ আশ্বাস প্ৰদান কৰিছে । উল্লেখ্য যে, প্ৰতিনিধি দলটোৱে মুখ্যমন্ত্ৰী সাহাৰ্য পুঁজিলৈ (Cm relief fund) আগবঢ়োৱা ২০ হাজাৰ টকাৰ বৰঙণিৰ চেক মুখ্যমন্ত্রীক প্ৰদান কৰে ।
লগতে পঢ়ক:ক'ভিডৰে যুঁজত জয়ী হ'ল ধেমাজিৰ এগৰাকী ৯৫ বছৰীয়া আইতা
