ধুমুহাৰ ফলত বিধ্বস্ত বিজেপিৰ খানাপাৰাস্থিত অস্থায়ী কাৰ্যালয়

প্ৰায় 70 কিলোমিটাৰ বেগেৰে অহা ধুমুহাৰ ফলত মহানগৰীত ব্যাহত বিদ্যুৎ সংযোগ

গুৱাহাটী, 17 এপ্ৰিলঃ বুধবাৰে পুৱতি নিশা মহানগৰীত অহা ধুমুহাৰ ফলত ব্যাপক ক্ষতিসাধন হয় ৷ প্ৰায় 70 কিলোমিটাৰ বেগেৰে অহা ধুমুহাৰ ফলত খানাপাৰাস্থিত পশু চিকিৎসা মহাবিদ্যালয় খেলপথাৰত বিজেপিৰ দ্বাৰা নিৰ্মিত হেলিপেডৰ অস্থায়ী কাৰ্যালয় সম্পূৰ্ণ ৰূপে বিধ্বস্ত হয় ৷

আনহাতে ধুমুহাৰ ফলত মহানগৰীৰ বিভিন্ন ঠাইত ব্যাপক ক্ষতিসাধন হোৱা দেখিবলৈ পোৱা গৈছে ৷ লগতে মহানগৰীৰ ঘাইপথত গছ বাগৰি পৰে কেবাঠাইতো ৷ ইপিনে ধুমুহাৰ ফলত মহানগৰীৰ বিদ্যুৎ সেৱাও সম্পূৰ্ণ ৰূপে ব্যাহত হৈ পৰিছে ৷