গুৱাহাটী, ৪ মে' : বিজেপিৰ ৰাজ্যিক নেতৃত্বই মঙলবাৰে গুৱাহাটী পৌৰ নিগমৰ মেয়ৰ আৰু ডেপুটি মেয়ৰৰ নাম ঘোষণা কৰাৰ পিছতে দলটোৰ আভ্যন্তৰত তীব্ৰ জোকাৰণিৰ সৃষ্টি হৈছে (Names of GMC mayor has announced) ৷ দলীয় নেতৃত্বৰ এনে সিদ্ধান্তত ক্ষুব্ধ হৈ দলটোৰ আগশাৰীৰ যুৱ নেতা তথা একেৰাহে দুবাৰকৈ কাউঞ্চিলৰ হিচাপে নিৰ্বাচিত হোৱা শশাংকজ্যোতি ডেকাই ত্যাগ কৰে বিজেপি (Sashanka jyoti Deka resign from BJP) ৷ দলত্যাগ কৰিয়েই তেওঁ দলীয় নেতৃত্বৰ বিৰুদ্ধে সৰৱ হৈ পৰে ।
ইফালে, শশাংকজ্যোতি ডেকাৰ (Sashanka jyoti Deka resign from BJP)দলত্যাগ সন্দৰ্ভত সংবাদমাধ্যমৰ আগত প্ৰতিক্ৰিয়া প্ৰকাশ কৰে ৰাজ্যিক বিজেপিৰ সাধাৰণ সম্পাদক দিপ্লু ৰঞ্জন শৰ্মাই । তেওঁ কয় যে, শশাংকজ্যোতি ডেকা দলৰ এজন জ্যেষ্ঠ কাৰ্যকৰ্তা আৰু তেওঁক দলে দুবাৰকৈ টিকটো দিছে । বিজেপিত আটাইতকৈ গুৰুত্বপূৰ্ণ কথাটো হৈছে অনুশাসন আৰু নিয়মানুবৰ্তিতা ।
তেওঁ কয় যে, শশাংকজ্যোতি ডেকাই মঙলবাৰে সংবাদমাধ্যমৰ আগত কোৱা কথা সন্দৰ্ভত ৰাজ্যিক নেতৃত্বই গুৰুত্বসহকাৰে বিবেচনা কৰি ব্যৱস্থা গ্ৰহণ কৰিব ।
অসন্তুষ্টি থাকিব পাৰে যদিও আলোচনাৰ মাজেৰে মীমাংসা কৰিব পাৰি বুলি উল্লেখ কৰি তেওঁ কয় যে, দলৰ অনুশাসন কোনো কাৰণতে ভংগ কৰিব নালাগে ।
উল্লেখ্য যে, মেয়ৰ পদ নাপাই পাৰিষদ শশাংকজ্যোতি ডেকাই দলৰ বিৰুদ্ধে বহু বিস্ফোৰক অভিযোগ উত্থাপন কৰি কৈছিল যে, "পুৰণি নেতাক এলাগী কৰি বিজেপিত এতিয়া দাদাগিৰি চলিছে ।"
লগতে পঢ়ক : বিজেপিত মেয়ৰ কেন্দ্ৰিক সংঘাত, দল এৰিলে শশাংকই
