গুৱাহাটী, ১৯ ছেপ্টেম্বৰঃমুখ্যমন্ত্ৰীৰ কাৰ্যালয়ৰ সুত্ৰই সদৰী কৰা মতে আজি নিশা তেওঁ গৃহ মন্ত্ৰী অমিত শ্বাহক সাক্ষাৎ কৰাৰ উপৰিও কাইলৈ সাক্ষাৎ কৰিব প্ৰধানমন্ত্ৰী নৰেন্দ্ৰ মোদীক । বিজেপিৰ ৰাষ্ট্ৰীয় সভাপতি জে পি নাড্ডাকো সাক্ষাৎ কৰাৰ কথা মুখ্যমন্ত্ৰীয়ে ।
মূলতঃ অসম চুক্তিৰ ছয় নং দফা কমিটিৰ প্ৰতিবেদন সন্দৰ্ভত শেহতীয়াকৈ ৰাজ্য চৰকাৰখন এক অস্বস্তিকৰ পৰিস্থিতিৰ মুখামুখি হবলগীয়া হোৱা বিষয়টোৱেই হব গৃহ মন্ত্ৰী আৰু সোণোৱালৰ মাজত আলোচনা হবলগীয়া প্ৰধান বিষয় । অৱশ্যে ইয়াৰ উপৰিও আন কেতবোৰ ৰাজনৈতিক বিষয়তো প্ৰধানমন্ত্ৰী আৰু গৃহ মন্ত্ৰীৰ সৈতে তেওঁ আলোচনাত বহিব ।
মন কৰিবলগীয়া যে দিল্লীলৈ উৰা মৰাৰ পূৰ্বে আজি মুখ্যমন্ত্ৰীয়ে তেওঁৰ চৰকাৰী বাসভৱনত প্ৰদেশ বিজেপিৰ সভাপতি ৰঞ্জিৎ দাসৰ সৈতে এক দীঘলীয়া আলোচনাত মিলিত হয় ।
