নিউজ ডেস্ক, ১২ আগষ্ট : চন ১৯৪৭, তাৰিখ ১৫ আগষ্ট ৷ এই বিশেষ দিনটোতে ইংৰাজ শাসনৰ পৰা মুক্ত হৈ ভাৰতে লাভ কৰিছিল স্বাধীনতা । ইতিমধ্যে দেশে সম্পূৰ্ণ কৰিলে স্বাধীনতাৰ ৭৫ বছৰ (75th Anniversary of Indian Independence)। এই শুভক্ষণত ভাৰতৰ গৌৰৱময় ইতিহাস পুনৰ ৰাইজক অৱগত কৰিবলৈ চৰকাৰে আৰম্ভ কৰিছে আজাদী কা অমৃত মহোৎসৱৰ ।
দেশৰ ৭৫ সংখ্যক স্বাধীনতা দিৱস আমি স্মৰণ কৰাৰ লগতে শ্ৰদ্ধাঞ্জলি জ্ঞাপন কৰিছো স্বাধীনতা সংগ্ৰামৰ সেইসকল অখ্যাত নায়ক আৰু স্বাধীনতা সংগ্ৰামীক । যি আজিও প্ৰতিজন ভাৰতীয়ৰ মানসপটত জিলিকি আছে ৷ ভাৰতৰ স্বাধীনতা আন্দোলনৰ আন এক গুৰুত্বপূৰ্ণ স্মৃতি আজিও বিজৰিত হৈ আছে বাৰাণসীত (Role of Bharat Mata mandir in Indias freedom struggle )। সেয়া হৈছে ভাৰত মাতা মন্দিৰ ।
দেখিবলৈ ই এটা মন্দিৰৰ দৰেই যদিও ইয়াত প্ৰৱেশৰ পিছত আপুনি দেখা নাপাব কোনো প্ৰতিমা বা ভগৱানৰ ফটো । কাৰণ ইয়াৰ ভিতৰত আছে ১৯১৭ চনৰ অবিভক্ত ভাৰতৰ এক অদ্ভূত ৩D মানচিত্ৰ । ভাৰত মাতা মন্দিৰ, অবিভক্ত ভাৰতক পূজা কৰা একমাত্ৰ মন্দিৰ ৷ ইয়াতে কাজাখস্তান, আফগানিস্তান, পাকিস্তানক অবিভক্ত ভাৰত হিচাপে দেখুওৱা গৈছে ।
লগতে পঢ়ক : Azadi Ka Amrit Mahotsav: ঐতিহাসিক ফুলগুৰি ধেৱাৰ জীৱন্ত ইতিহাস
বাৰাণসীৰ এই মন্দিৰৰ নিৰ্মাণশৈলীও অতি আচৰিত ধৰণৰ । মন্দিৰ নিৰ্মাণ কৰা ৰঙা শিল, মাৰ্বল আদিয়ে মন্দিৰটোক আৰু বেছি আকৰ্ষিত কৰি তুলিছে । ১৯১৭ চনৰ পাচত এই মন্দিৰৰ নিৰ্মাণ আৰম্ভ হৈছিল । ১৯২৪ চনতে নিৰ্মাণ সম্পূৰ্ণ হৈছিল এই মন্দিৰৰ । কিন্তু স্বাধীনতা আন্দোলন আৰু বেছি শক্তিশালী হোৱাৰ আশংকাত ব্ৰিটিছে মুকলি কৰি দিয়া নাছিল এই ভাৰত মাতা মন্দিৰ ।
অৱশ্যে ১২ বছৰ পাচত ১৯৩৬ চনত মহাত্মা গান্ধীয়ে আনুষ্ঠানিকভাৱে উদ্বোধন কৰিছিল মন্দিৰটো । মহাত্মা গান্ধী কাশী বিদ্যাপীঠৰ চৌহদত অৱস্থিত এই মন্দিৰটো দেশপ্ৰেমী, জাতীয়তাবাদী পৰ্যটকসকলৰ এক অন্যতম কেন্দ্ৰবিন্দু । মন্দিৰত থকা কিছুমান ছবিয়ে স্বাধীনতা সংগ্ৰামৰ কাহিনীবোৰ পুনৰ জীৱিত কৰি তোলে ।
মহাত্মা গান্ধীকে ধৰি সেই সময়ৰ অন্যান্য মহান বিপ্লৱী যুঁজাৰুসকলৰ ফটো আছে মন্দিৰটোত । এইটোৱে হৈছে পৃথিৱীৰ একমাত্ৰ মন্দিৰ, য'ত অবিভক্ত ভাৰতক পূজা কৰা হয় । স্বাধীনতা সংগ্ৰামত যথেষ্ট অৱদান আছে এই ভাৰত মাতা মন্দিৰৰ । সংগ্ৰামীসকলৰ মাজত ভাৰত মাতাৰ প্ৰতি বিশ্বাস আৰু শ্ৰদ্ধা নিৱেদন কৰাৰ হকে নিৰ্মাণ কৰা হৈছিল এই বিশেষ মন্দিৰটো ।
লগতে পঢ়ক : Azadi Ka Amrit Mahotsav: অসমৰ কনিষ্ঠ শ্বহীদ কনকলতা বৰুৱালৈ সশ্ৰদ্ধ প্ৰণিপাত...
