আজাৰা, 25 নৱেম্বৰ : প্ৰয়াত প্ৰাক্তন মুখ্যমন্ত্ৰী তৰুণ গগৈক শ্ৰদ্ধাঞ্জলী জনাবলৈ গুৱাহাটীত উপস্থিত ৰাহুল গান্ধী । গোৱাৰ পৰা বিশেষ বিমানযোগে বৰঝাৰ বিমান বন্দৰত উপস্থিত কংগ্ৰেছ নেতাগৰাকী ৷ বিমান বন্দৰত উপস্থিত হোৱাৰ লগে লগে কংগ্রেছৰ সভাপতি ৰিপুন বৰা, বিৰোধী দলপতি দেৱব্ৰত শইকীয়াসহ কংগ্রেছৰ কেইবাগৰাকীও নেতাই আদৰণি জনায় ৰাহুল গান্ধীক ।
তাৰ পিচতেই বিমান বন্দৰৰ পৰা পোনে পোনে ৰাহুল গান্ধী তৰুণ গগৈৰ বাসগৃহলৈ ৰাওনা হয় । বাসগৃহত প্ৰাক্তন মুখ্যমন্ত্ৰী তৰুণ গগৈৰ পৰিয়ালৰ সৈতে মিলিত হৈ পৰিয়ালৰ লোকক সমবেদনা জনাব ৰাহুল গান্ধীয়ে । তাৰপিছতে কলাক্ষেত্ৰলৈ ৰাওনা হৈ তৰুণ গগৈৰ নশ্বৰদেহত শ্ৰদ্ধাঞ্জলী জনাব ৰাহুল গান্ধীয়ে । মাত্ৰ দুঘণ্টাৰ বাবে বিশেষ বিমানেৰে গুৱাহাটীত উপস্থিত হোৱা ৰাহুল গান্ধীয়ে শ্ৰদ্ধাঞ্জলী নিবেদনৰ পিছতেই নিজৰ ভ্ৰমণসূচী সামৰি পুনৰ দিল্লীলৈ উভতি যাব ।
লগতে পঢ়ক : নৱগ্ৰহত শেষকৃত সম্পন্ন কৰা হ’ব প্ৰয়াত মুখ্যমন্ত্ৰী তৰুণ গগৈৰ
