গুৱাহাটী, 27 ফেব্ৰুৱাৰীঃ কেন্দ্ৰীয় বাজেট ২০২০ উত্থাপনৰ পিছতে বিভিন্ন ৰাজ্যত গৈ ব্যৱসায়ী সকলৰ সৈতে আলোচনাত মিলিত হৈছে কেন্দ্ৰীয় বিত্তমন্ত্ৰী নিৰ্মলা সীতাৰমন । সেই উদ্দেশ্যৰে বৃহস্পতিবাৰে গুৱাহাটীত উপস্থিত হয় বিত্তমন্ত্ৰী নিৰ্মলা সীতাৰমন । য'ত তেওঁ গুৱাহাটী ষ্টাফ কলেজত আয়োজিত আলোচনা সভাত বাৰ্তালাপ কৰে 'Traders and industry' ৰ প্ৰতিনিধিৰ সৈতে । কিন্তু আলোচনাত নিৰ্মলা সীতাৰমনে প্ৰতিনিধিসকলক কথা কোৱাৰ সুযোগ নিদিয়াৰ অভিযোগ উত্থাপন কৰে ফাইনাৰৰ অধ্যক্ষ বিনোদ কুমাৰ লোহিয়াই ৷
তাৰ বিপৰীতে, কেন্দ্ৰীয় বিত্তমন্ত্ৰী গৰাকীৰ সৈতে প্ৰতিনিধিসকলৰ আলোচনা সৌজন্যমূলক আছিল বুলি মন্তব্য কৰি ব্যৱসায়ী অৰুণ পদ্দাৰে কয়,' বিত্তমন্ত্ৰী অসমলৈ আহি আমাৰ সৈতে আলোচনা কৰাৰ বাবে তেওঁক ধন্যবাদ জ্ঞাপন কৰিছো । ইয়াৰ দ্বাৰা অসমৰ ব্যৱসায়ী সকল যথেষ্ট উপকৃত হ'ব ।
উল্লেখ্য যে, বিত্তমন্ত্ৰী নিৰ্মলা সীতাৰমনৰ আলোচনা সভাত প্ৰায় ২০০ ৰো অধিক বিভিন্ন ক্ষেত্ৰৰ ব্যৱসায়ীয়ে অংশগ্ৰহণ কৰে ।
