গুৱাহাটী, 23 মাৰ্চঃ বিশ্বজুৰি সন্ত্ৰাস সৃষ্টি কৰা COVID-19 ত বৰ্তমান সময়লৈকে আক্ৰান্ত হোৱা নাই অসমৰ এজনো লোক । এই কথা জানিব দিয়ে অসমৰ NHM কৰ্তৃপক্ষই । NHM কতৃপক্ষই জনোৱা অনুসৰি, বৰ্তমান সময়লৈকে 29782 গৰাকী লোকক অসমৰ প্ৰতিটো বিমানবন্দৰত পৰীক্ষা কৰা হৈছে ৷ অসমৰ বিভিন্ন ৰে'লৱে ষ্টেচন সমূহত 170040 গৰাকী যাত্ৰীক পৰীক্ষা কৰা হৈছে ।
আনহাতে, 6209 গৰাকী বাহিৰৰ দেশৰ পৰা অহা যাত্ৰীৰ ভিতৰত 209 গৰাকীক 28 দিনৰ বাবে পৰিদৰ্শনত ৰখা হৈছে । 5989 জনক 57 টা পৰীক্ষা নহালৈকে ঘৰতে থাকিবলৈ নিৰ্দেশ দিয়া হৈছে । 36 গৰাকীৰ নমুনা গুৱাহাটী মেডিকেল কলেজলৈ অনা হৈছিল যদিও সেয়া নেগেটিভ পোৱা গৈছে বুলি মন্তব্য কৰে NHM কৰ্তৃপক্ষই । আনহাতে বৰ্তমান সমলৈকে 104 সাৰথি হেল্পলাইন নাম্বাৰতCOVID-19 ক লৈ 1954 টা ফোনক'ল ৰিছিভ কৰা হৈছে বুলি সদৰী কৰিলে অসম NHM য়ে ।
