গুৱাহাটী, ১৩ ছেপ্টম্বৰ: তৃতীয় আৰু চতুৰ্থ বৰ্গৰ নিযুক্তিৰ ক্ষেত্ৰত ধনৰ লেনেদেন হোৱা বুলি অভিযোগ(Assam recruitment scam allegation) উত্থাপন কৰি গ্ৰেপ্তাৰ হ’ল ভিক্টৰ দাস নামৰ এজন যুৱক ৷ ইণ্টাৰনেট কৰ্তন কৰি পানী নসৰকা নিৰাপত্তাৰ মাজেৰে অনুষ্ঠিত নিযুক্তি পৰীক্ষাৰ বিৰুদ্ধে উদ্দেশ্যপ্ৰণোদিত ভাৱে অভিযোগ উত্থাপন কৰাৰ অভিযোগ তুলি 5 টাকৈ ধাৰাত গোচৰ ৰুজু কৰা হ’ল অভিযোগকাৰী ভিক্টৰ দাসৰ বিৰুদ্ধে (Victor Das arrested)৷
ইয়াৰ পাঠতে বিগত চাৰিটা দিনে আৰক্ষীৰ জিম্মাত আছে ভিক্টৰ দাস ৷ মঙলবাৰে পাণবজাৰ আৰক্ষী থানাত(Panbazar police station) ভিক্টৰক সাক্ষাৎ কৰিবলৈ আহি মাতৃয়ে উত্থাপন কৰিলে বিস্ফোৰক অভিযোগ । সমগ্ৰ বিষয়টো ৰাজনীতিৰ মেৰপেচৰ মাজত সোমাই পৰাৰ অভিযোগ উত্থাপন কৰে ভিক্টৰ দাসৰ মাতৃয়ে ৷ ভিক্টৰক ৰাজনীতিৰ মেৰপেচৰ মাজৰ পৰা মুকলি কৰি দিবলৈও অনুৰোধ জনালে মাতৃগৰাকীয়ে (Mother of Victor Das)।
আনহাতে বিজেপিৰ শাসনকালত অসম চৰকাৰৰ নিযুক্তি প্ৰক্ৰিয়াত কেলেংকাৰী সংঘটিত নহয় বুলি মুখ্যমন্ত্ৰীৰ লগতে মন্ত্ৰীসকলে ন দি কোৱাৰ পাছতো সোমবাৰে আৰক্ষীয়ে গ্ৰেপ্তাৰ কৰিলে 7 জন চাকৰিৰ দালালক (Broker arrested by Dispur Police)৷ উক্ত প্ৰসংগত ভিক্টৰ দাসৰ মাতৃয়ে কয় যে ভিক্টৰে উত্থাপন কৰা অভিযোগসমূহ যদি ভিত্তিহীন তেন্তে জলসম্পদ বিভাগৰ নামত দালালি কৰা সাতজনকৈ লোক ক’ৰ পৰা ওলাল ?
তৃতীয় আৰু চতুৰ্থ বৰ্গৰ নিযুক্তিত সংঘটিত কেলেংকাৰীৰ তথ্য ভিক্টৰৰ হাতত নথকাকৈ অভিযোগ উত্থাপন কৰা নাই বুলি মাতৃগৰাকীয়ে পুনৰ মন্তব্য কৰে ৷ ভিক্টৰে কৈ থকা কথাবোৰৰ যদি ভিত্তি নাই তেন্তে ভিক্টৰৰ বিৰুদ্ধে আৰক্ষী-প্ৰশাসনে কোৱা কথাৰো ভিত্তি নাই বুলি মন্তব্য কৰে ভিক্টৰৰ মাতৃয়ে ৷
আনহাতে ভিক্টৰ দাস চৰকাৰী শিক্ষক হোৱাৰ লগতে দুটাকৈ ক’ছিং চেণ্টাৰৰ স্বত্বাধিকাৰী বুলি মন্ত্ৰী পীয়ূষ হাজৰিকাই তোলা অভিযোগৰ সন্দৰ্ভতো প্ৰতিক্ৰিয়া প্ৰকাশ কৰে ভিক্টৰৰ মাতৃয়ে (Victor Das profession)৷ তেওঁ কয় যে ভিক্টৰ এজন টেট উত্তীৰ্ণ শিক্ষক হয়, কিন্তু দুটাকৈ শৈক্ষিক প্ৰতিষ্ঠানৰ স্বত্বাধিকাৰী নহয় ৷ ভিক্টৰে প্ৰতিষ্ঠান দুটাৰ যোগেদি শিক্ষা প্ৰদানহে কৰে ৷ ইয়াৰোপৰি ইউটিবযোগে ভিক্টৰে সম্পূৰ্ণ বিনামূলীয়াকৈ শিক্ষাদান কৰা বুলিও জানিবলৈ দিয়ে মাতৃগৰাকীয়ে ৷
উল্লেখ্য যে, ভিক্টৰ দাসে দুৰ্নীতিৰ অভিযোগ উত্থাপন কৰাৰ পাছতে ভিক্টৰৰ বিৰুদ্ধেও একাধিক অভিযোগ উত্থাপিত হৈছে ৷ ইয়াৰে আন এটা অভিযোগ হৈছে যে ভিক্টৰে শিক্ষকতা কৰা চৰকাৰী বিদ্যালয়খনলৈ নিয়মীয়াকৈ নাযায় ৷ এই অভিযোগ ভিক্টৰৰ মাতৃয়ে নস্যাৎ কৰি কয় যে ভিক্টৰ নিয়মীকৈ বিদ্যালয়লৈ যোৱাৰ উপৰিও নিজৰ টকাৰে মাংস কিনিও ছাত্ৰ-ছাত্ৰীক খুৱায় ৷
ভিক্টৰ কেতিয়াও ভাগি পৰা নাছিল আৰু এতিয়াও ভাগি পৰা নাই বুলি উল্লেখ কৰে মাতৃগৰাকীয়ে ৷ তেওঁ কয় যে ভিক্টৰ নিজৰ স্থিতিত অটল আছে আৰু কুশেলে আছে ।
লগতে পঢ়ক: জয়া কলিতাক ব্লেকমেইলাৰ আখ্যা দি প্ৰকৃত পৰিচয় বিচাৰিলে জনপ্ৰতিনিধিয়ে
