গুৱাহাটী, 24 নৱেম্বৰঃ দেওবাৰে মহানগৰীৰ শংকৰদেৱ কলাক্ষেত্ৰত টাই আহোম যুৱ পৰিষদৰ উদ্যোগত উদযাপন কৰা হয় লাচিত দিৱস । এই অনুষ্ঠানতে পদ্মশ্ৰী উদ্ধৱ ভৰালীলৈ আগবঢ়োৱা হয় ২০১৯ বৰ্ষৰ "মহাবীৰ লাচিত বটা" । এই অনুষ্ঠানত সাহিত্য সভাৰ সভাপতি পৰমানন্দ ৰাজবংশী, অধ্যাপক সূৰ্নাল পৱন বৰুৱাকে আদি কৰি বহু লোকে অংশগ্ৰহণ কৰে । অনুষ্ঠানৰ লগত সংগতি ৰাখি উন্মোচন কৰা হয় এখন স্মৃতি গ্ৰন্থ ।
স্মৃতি গ্ৰন্থ খন উন্মোচন কৰে সাহিত্য সভাৰ সভাপতি পৰমানন্দ ৰাজবংশীয়ে । টাই আহোম যুৱ পৰিষদৰ ২৫ বছৰীয়া জয়ন্তী উপলক্ষে বিভিন্ন সাংস্কৃতিক অনুষ্ঠানো অনুষ্ঠিত হয় । উল্লেখ্য যে, টাই আহোম যুৱ পৰিষদে প্ৰতিবছৰে সমাজলৈ বৰঙনি আগবঢ়োৱা একোজন ব্যক্তিক এই বঁটা প্ৰদান কৰি আহিছে । লগতে পদ্মশ্ৰী উদ্ধৱ ভৰালীয়ে নিজা প্ৰচেষ্টাৰে বিভিন্ন সময়ত বহু আপুৰুগীয়া উদ্ভাৱনৰে সমাজলৈ বৰঙনি আগবঢ়াই আহিছে ৷
আৰু পঢ়কঃ ৰাজ্যজুৰি উদযাপন বীৰ লাচিতৰ 397 সংখ্যক জন্ম জয়ন্তী
