গুৱাহাটী,8 ডিচেম্বৰঃ প্ৰতি দিনেই মূল্যবৃদ্ধি হৈ গৈ আছে পিয়াঁজৰ মূল্য। ব্যৱসায়ীসকলেও যেন পিয়াঁজৰ মূল্য বৃদ্ধিৰ সুযোগ গ্ৰহণ কৰি গ্ৰাহকৰ পৰা অধিক দাম লৈ বিক্ৰী কৰিছে পিয়াঁজ ৷
সাধাৰণ গ্ৰাহকক মাধমাৰ শোধায় দিনে দিনে বৃদ্ধি পাইছে নিত্য ব্যৱহাৰ্য সামগ্ৰী ৷ বৰ্তমান ফাঁচী বজাৰত প্ৰতি কেজি পিয়াঁজৰ মূল্য হৈছেগৈ ৭০ টকাৰ পৰা ৯৪ টকা । ইফালে গণেশগুৰিৰ খুচুৰা বজাৰতো প্ৰতি কিলো পিয়াঁজৰ মূল্য হৈছেগৈ ১০০ টকা।
আনহাতে, পিয়াঁজৰ এই অত্যাধিক মূল্যৰ বাবে গ্ৰাহকে ক্ৰয় কৰিব লগা হৈছে কম পৰিমাণৰ পিয়াঁজ। কোনোবাই যদি ১ কেজিৰ তুলনাত আধা কেজি। কোনোবাই আকৌ পিয়াঁজ ক্ৰয় নকৰাকৈয়ে ওলটি আহিবলগীয়া হৈছে। কিন্তু মূল্যবৃদ্ধি ৰোধ কৰিবলৈ কোনো কাণসাৰ নাই যোগান বিভাগৰ ৷ অতি শীঘ্ৰে পিয়াঁজৰ লগতে অত্যাৱশ্যকীয় সামগ্ৰীৰ মূল্যবৃদ্ধি ৰোধৰ বাবে বিহিত ব্যৱস্থা গ্ৰহণ কৰিবলৈ আহ্বান সৰ্বসাধাৰণ ৰাইজৰ ৷
লগতে পঢ়ক - CAB ৰ বিৰুদ্ধে সমগ্ৰ ৰাজ্যজুৰি প্ৰতিবাদৰ দাবানল অব্যাহত
