গুৱাহাটী, 16 আগষ্ট :শুকুৰবাৰে গুৱাহাটী ৰে'লৱে ষ্টেশ্যনত বৃহৎ পৰিমাণৰ গাঞ্জাসহ এজন বহিঃ ৰাজ্যৰ যুৱকক ৰে'লৱে আৰক্ষীয়ে আটক কৰিবলৈ সক্ষম হয়। ধৃত যুৱকজনৰ নাম বিৰাজ কিশোৰ কুমাৰ (২৬)। যুৱকজনৰ ঘৰ বিহাৰৰ বৈশালিত বুলি জানিব পৰা গৈছে। পুৱা ৭ বজাত ৰে'লৱে আৰক্ষীৰ নিয়মীয়া তালাচী অভিযানত ত্ৰিপুৰাৰ পৰা বিহাৰ অভিমুখী সুন্দৰী এক্সপ্ৰেছৰ 1 নং ডবাৰ 10 নম্বৰ আসনৰ পৰা অভিযান চলাই গাঞ্জাসহ যুৱকজনক আটক কৰে। জব্দকৃত গাঞ্জাখিনিৰ ওজন ৭ কিলোগ্ৰাম আৰু ইয়াৰ বজাৰ মূল্য প্ৰায় ৫০ হাজাৰ টকা হ’ব বুলি আৰক্ষীয়ে জানিবলৈ দিয়ে।
গুৱাহাটীত গাঞ্জাসহ আটক এজন
উল্লেখ্য যে ইতিমধ্যে ঘটনা সন্দৰ্ভত NDPSৰ অধীনত এক গোচৰ ৰুজু কৰি তদন্ত অব্যাহত ৰখা হৈছে।
