গুৱাহাটী, ৪ নৱেম্বৰ: আগন্তুক ২৪ নবেম্বৰত ৰাজ্যজুৰি উদযাপিত হ’ব বীৰ লাচিত বৰফুকনৰ ৪০০ বছৰীয়া জন্ম জয়ন্তী (400th birth anniversary of Bir Lachit Borphukan) । লাচিত বৰফুকনৰ জন্ম জয়ন্তীৰ (Lachit Divas 2022) বিশেষ দিনটোৰ লগত সংগতি ৰাখি অসম চৰকাৰে আয়োজন কৰিছে লাচিত বৰফুকনৰ জীৱনৰ আধাৰত লিখা ৰাজ্যিক ভিত্তিত ৰচনা প্ৰতিযোগিতা (Essay competition on Lachit Borphukan) ।
ইতিমধ্যে এই প্ৰতিযোগিতাৰ বাবে যাৱতীয় প্ৰস্তুতি সম্পূৰ্ণ কৰি তুলিছে ৰাজ্য চৰকাৰে । ৰাজ্য চৰকাৰৰ নিৰ্দেশ মৰ্মে অসম ৰাজ্যিক পাঠ্যপুথি প্ৰণয়ন ( Assam State Textbook Production) আৰু প্ৰকাশন নিগম লিমিটেডে (Publication Corporation Ltd) ইতিমধ্যে ৰচনা প্ৰতিযোগিতাত অংশ গ্ৰহণ কৰিবলগীয়া ছাত্ৰ-ছাত্ৰীৰ বাবে সাজু কৰি ৰাখিছে ১ কোটি লিখা পৃষ্ঠা । বীৰ লাচিত বৰফুকনৰ ৪০০ বছৰীয়া জন্ম জয়ন্তী উপলক্ষে শুকুৰবাৰে লিখা পৃষ্ঠা বিতৰণৰ প্ৰথমটো কাৰ্যসূচী মহানগৰীৰ নাৰেঙ্গীৰ বোন্দাস্থিত নিগমৰ কেন্দ্ৰীয় ভঁৰালৰ পৰা শুভাৰম্ভ কৰা হয় (Bir Lachit Borphukan essay page distribution) ।
উদ্বোধনী অনুষ্ঠানত উপস্থিত থাকি অসম ৰাজ্যিক পাঠ্যপুথি প্ৰণয়ন আৰু প্ৰকাশন নিগমৰ উপাধক্ষ তুলসী বৰঠাকুৰে পৃষ্ঠা বিতৰণৰ বাহনৰ ফ্লেগ অফ কৰে । ৰাজ্যৰ ৩৫ খন জিলাক সামৰি লোৱা পৃষ্ঠা বিতৰণৰ কাৰ্যসূচীৰ অংশ হিচাপে প্ৰথম পৰ্য্যায়ত কাছাৰ, হাইলাকান্দি, কৰিমগঞ্জ, গোলাঘাট, যোৰহাট, শিৱসাগৰ, চৰাইদেউ, ডিব্ৰুগড় আৰু তিনিচুকীয়া জিলা লৈ ৯ খন বাহনেৰে প্ৰেৰণ কৰা হয় লাচিত বৰফকনৰ জন্ম জয়ন্তীৰ লগত সংগতি ৰাখি ৰাজ্য চৰকাৰে আয়োজন কৰা ৰচনা প্ৰতিযোগিতা লিখাৰ পৃষ্ঠা ।
পৰ্য্যায়ক্ৰমে ৰাজ্যৰ বাকী আন আন জিলা সমূহতো এই পৃষ্ঠা সমূহ প্ৰেৰণ কৰা হ’ব বুলি জানিবলৈ দিয়ে নিগমৰ উপাধক্ষ তুলসী বৰঠাকুৰে । এই পৃষ্ঠা বিতৰণ কাৰ্যসূচীত উপস্থিত থাকে ৰাজ্যিক পাঠ্যপুথ প্ৰণয়ন আৰু প্ৰকাশন নিগম লিমিটেডৰ পৰিচালন সঞ্চালক স্বানৱাজ চৌধুৰী,পৱন কুমাৰ আগৰৱলা আদিকে ধৰি নিগমৰ বিষয়ববীয়া ।
ইতিমধ্যে এই দিৱস উপলক্ষে অসম চৰকাৰে বিগত 26 অক্টোবৰৰ দিনা লাচিত বৰফুকন এপ আৰু ৱেব প'ৰ্টেল মুকলি কৰে (Lachit Borphukan App and Web Portal) ৷ ইয়াৰ যোগেদি প্ৰত্যেকেই লাচিত বৰফুকনৰ বিষয়ে নিজৰ মনৰ ভাৱ ব্যক্ত কৰিব পাৰিব আৰু লাচিত বৰফুকনৰ বীৰত্ব-দেশপ্ৰেম আৰু অৱদানৰ (Patriotism of Lachit Borphukan) বিষয়ে লিখিব পাৰিব বুলি মুখ্যমন্ত্ৰী ড৹ হিমন্ত বিশ্ব শৰ্মাই মন্তব্য কৰে । উল্লেখ্য যে, ইয়াৰোপৰি লাচিত বৰফুকনৰ ৪০০ সংখ্যক জন্ম জয়ন্তী ১৮ নৱেম্বৰত প্ৰতিখন জিলাত অসম আৰক্ষীৰ মাৰ্চপাষ্টৰ দ্বাৰা আৰম্ভ হ’ব ।
লগতে পঢ়ক: Lachit Borphukan App and Web Portal: ১৮ নবেম্বৰত আৰম্ভ লাচিত বৰফুকনৰ জন্ম জয়ন্তী
