গুৱাহাটী, 20 মাৰ্চঃ মহানগৰীৰ সমীপৱৰ্তী যোৰাবাটত চিআইডিৰ অভিযান ৷ অভিযানকালত হেৰোইনসহ আটক কৰে এজন মহিলা আৰু দুজন লোকক ৷ শুকুৰবাৰে চিআইডিৰ দলৰ গোপন সূত্ৰৰ ভিত্তিতে যোৰাবাটত দীৰ্ঘদিনৰ পৰা চলাই থকা ড্ৰাগজ ব্যৱসায়ীক হেৰোইনসহ আটক কৰিবলৈ সক্ষম হয়। মহিলা গৰাকীক আৰু হেৰোইন ব্যৱসায়ীজনক যোৰাবাটত ১০ মাইলৰ এখন হোটেলৰ পৰা আটক কৰে দলটোৱে। উল্লেখ্য যে,ড্ৰাগছ ব্যৱসায়ী বলোৰাম ৰাভাই যোৰাবাটত ঘনশ্যাম বস্তিত এন্ড্ৰিও বিশ্বাসৰ ঘৰত বিগত ৭ মাহমান ধৰি ভাড়াতীয়া হিচাপে আছিল। উক্ত ভাড়া ঘৰৰ পৰাই ১৫,৪০ গ্ৰাম হেৰোইন জব্দ কৰে অভিযানকাৰী দলটোৱে। জানিব পৰা অনুসৰি,আটকাধীন লোকদুজনে দীৰ্ঘদিন ধৰি যোৰাবাট অঞ্চলত ড্ৰাগছৰ ৰমৰমীয়া ব্যৱসায় চলায় আছিল ।
আনহাতে,কৰ'ণা ভাইৰাছৰ ত্ৰাস চলা সময়ত মহানগৰীৰ বেলতলা লখিমী নগৰৰ পৰা হাতীগাঁও আৰক্ষী গ্ৰেপ্তাৰ কৰিছে এজন ড্ৰাগছৰ বেহা লগত জড়িত যুৱকক । নিষিদ্ধ ড্ৰাগছৰ ব্যৱসায় কৰিবলৈ আহি হাতীগাওঁ আৰক্ষীৰ জালত পৰে ব্যৱসায়ী। ধৃত লোকজনৰ পৰা জব্দ বহুকেইটা কন্টেইনাৰ । ধৃতজনৰ নাম বাইহাটা চাৰিআলিত মৃদুল ডেকা। ধৃত জনৰ পৰা জব্দ এখন নতুন নম্বৰ প্লেটবিহীন দুচকীয়া বাহন।
আৰু পঢ়কঃ কৰ'ণাৰ সন্ত্ৰাসঃ চৰকাৰৰ স্থিতি ৰাজ্যপালক জনালে সোণোৱাল-হিমন্তই
